掃呢頁CODE去手機

2020年5月10日 星期日

【報警追究】教練借習武為名疑非禮女學員 鄧穎芝睇唔過眼為受害者出頭 #鄧穎芝

(FB圖片)今日於網絡瘋傳一組照片,相片中一名疑似男教練,以各種曖昧且侵略性強的姿勢緊抱不同的女性,藝人鄧穎芝轉發相片並憤慨地寫道:「你教乜嘢武術呢請 ...




(FB圖片)


今日於網絡瘋傳一組照片,相片中一名疑似男教練,以各種曖昧且侵略性強的姿勢緊抱不同的女性,藝人鄧穎芝轉發相片並憤慨地寫道:「你教乜嘢武術呢請問?沒有任何武術或運動,教授時需要咁多、咁貼近、咁誇張嘅身體接觸,是沒有!」有涉事女生向鄧穎芝求助,鄧穎芝幫忙聯絡社工陪報警。

相片曝光後,引來大量網民嘩然「擺明抽水唔係武術喎」!相片最初由一名為「香港混合武術」的FB專頁上傳,該專頁現已被刪除。相片中,一名疑似男教練從後環抱女學員,雙手有不少部位與女學員的胸部緊貼,更有一張相片是疑似男教練整個人如樹熊一樣「掛」在女學員身上,狀甚離譜。

鄧穎芝附上多張疑似教練的「執教之姿」,並寫道:「專業嘅教練識得尊重和避忌,而佢哋亦會有相應嘅訓練去以盡量少嘅身體接觸嚟教你,如果要掂到你都會問一聲先,當有可能要掂到你啲比較敏感嘅部位,都會用其他嘢代替手,唔會直接摸你,更加唔會咁樣壓你埋牆,成個身貼住你。你覺得唔舒服已經係界線,就算你當時好驚冇鬧佢,都盡快走,同身邊嘅人講,唔好再返去。唔好比人呃,冇人會咁教你,如果你真係對你教練行為有疑問,我歡迎你問我,千祈唔好啞忍呢種對待。」

貼文出街半日後,鄧穎芝已經收到涉事女生的求助,受害人向鄧穎芝表示「唔明白點解啲相會流咗出嚟」,又稱「驚被人笑」所以即使曾希望報警求助,最終亦不了了之,打算「俾佢非禮咗就算」。經過鄧穎芝的開導及安慰下,該名受害者表示願意追究,但因害怕「警察未必會理我」,故她希望鄧穎芝集合多名受害人,並一同提出訴訟。

《蘋果》今日聯絡了鄧穎芝,她表示:「我今朝睇到一個咁嘅post,跟住我就好嬲,因為我覺得嗰個人借武術為名去非禮女仔其實係好大問題。點解我咁大反應,係因為我自己曾經遇過類似咁嘅情況,我當時冇做出一個正確嘅處理,而家已經唔可以處理,因為係喺泰國發生。所以我見到我就好嬲,我好希望可以幫到個女仔,我好開心我share咗之後真係有其中一個受害人聯絡我,佢話佢好想報警,但係佢好驚,好驚差人幫唔到佢、好驚俾人笑、好驚好尷尬、好驚俾屋企人知道,所以我而家就勸導佢係需要報警,亦都好多人支持佢去報警,所以而家搵緊社工去幫佢。」

-----------------------------

App內1-Click訂閱《蘋果動新聞》

按此了解更多

鄧穎芝看到相關照片後非常憤慨(FB圖片)


該名疑似教練以極誇張的方式「掛」在女生身上。(FB圖片)


相片最早由一名為「香港混合武術」的FB專頁上傳(FB圖片)


疑似教練整個人貼在女學員身上(FB圖片)


又不時從後緊抱女學員(FB圖片)


有受害人與鄧穎芝聯絡(FB圖片)



鍾意就快D Share啦!