鄧穎芝話：「你教乜嘢武術呢請問？」
藝人鄧穎芝於社交網轉發一組相片，見一名男子以各種姿勢抱着不同女性，男子有觸碰到這些女子的敏感部位。鄧穎芝留言：「你教乜嘢武術呢請問？請廣傳，以免更多人受害！！！！！！！」
續留言：「没有任何武術或運動，教授時需要咁多、咁貼近、咁誇張嘅身體接觸，是。没。有！特別係男教練女學生，專業嘅教練識得尊重和避忌，而佢地（哋）亦會有相應嘅訓練去以盡量少嘅身體接觸嚟教你，如果要掂到你都會問一聲先，當有可能要掂到你啲比較敏感嘅部位，都會用其他嘢代替手，唔會直接摸你，更加唔會咁樣壓你埋牆，成個身貼住你。」
她又鬧爆該男子：「至於呢個猥瑣佬（佢絕對唔係一個教練，不管係知識上定態度上），我希望佢快啲去死，利用別人嘅信任去逞自己嘅淫慾，簡直禽獸不如。如果你識呢個人，或曾身受其害，可以嘅話請你出嚟指證佢。」她又透露有三名受害人聯絡了她：「個人渣係以試鏡為名非禮受害人，如果你都係受害人，希望你可以企出嚟陪佢一齊指證個衰人。」並指已決定報警及找社工幫忙。
鄧穎芝接受訪問表示正忙於為受害者聯絡社工，明天將會報警，但屆時不會陪到警署，她說：「只擔任聯絡人同策劃角色，暫時有三名女子求助，但有一個唔想報警，話會自行處理，冇圈中人，亦冇問受害者有冇進一步嘅性侵。」鄧穎芝相信還有很多受害者，亦希望有更多人站出來指證對方的惡行，她又指求助的受害者現時好驚，又不想太高調。
鄧穎芝透露涉事的男仔自稱是武術教練，她說：「但佢唔係叫受害者上武術堂，而係透過演員討論區呼籲人嚟來試鏡，聲稱有演出機會同埋有酬勞。」但事後沒有畀錢，又或說下一次才畀錢。而鄧穎芝對此事感到如此憤怒，是因為她經歷過同類型事件，她曾於泰國集訓MMA時遇過類似事情，當時她很害怕，不知道如何處理，第二日再沒有到那個地方上堂。
來源 source: http://hk.on.cc
|
鍾意就快D Share啦！
|
|
|
