同一個母親節，估唔到有兩個咁大差別嘅「慶祝方法」…
藝人鍾欣潼（阿嬌）與台灣「醫界王陽明」賴弘國兩日前（8日）驚爆離婚，阿嬌除親認已簽分居協議外，就未有再就事件向外界交代，似係仲未走出情感陰霾，今日阿嬌終於都「現身」，於社交網貼上發文：「祝天下女神 母親節快樂！」並配上鲜花及心心圖案，之後亦未有講多餘說話。
相反連日來不停回應離婚原因及傳聞嘅賴弘國，尋日就度完假梳乎完返台北，今日仲有心情拎埋賴媽媽出鏡賣廣告！雖然有指佢痛極消瘦10KG，不過今日從佢上載社交網嘅片中，就見佢心情愉悅地為玻尿酸牌子賣廣告，更加親手為媽咪打玻尿酸針及注射肉毒桿菌素做醫學美容，當做母親節禮物。
而賴弘國賣完廣告之後，就再同大家分享佢去Gym Room舉鐵，着住貼身衫大晒麒麟臂及背肌線條，身形依舊大隻，未似傳聞中忽然暴瘦。
來源 source: http://hk.on.cc
|
鍾意就快D Share啦！
|
|
|