27歲何雁詩2009年以16歲之齡參加第一屆《超級巨聲》而簽約無綫正式入行，2015年轉投星夢唱片，深受老闆器重，但2017年與同公司的鄭俊弘（Fred）拍拖，之後鄭俊弘捲入桃色風波，形象連番受挫，也影響了她的歌手形象，星夢便全力捧菊梓喬、吳若希，對公司心灰意冷的她拒續約，去年底宣佈離開合作了5年的星夢。
今年1月1日宣佈成為鄭俊弘太太，但作為人妻的她並未放棄歌手夢，最近更自資做獨立歌手推出新歌《致有夢想的人》。日前，何雁詩接受梁泰來主持的《1圈圈 星光背後》訪問，坦承當初離開是因為不得寵：「我好感恩星夢畀我唱主題曲，令大家認識我，但公司近年太多歌手，老闆（何哲圖）話要睇時間要排隊出歌，我始終唔係最得寵嗰個，我亦唔想爭做一姐。我想進步，唔想停留，所以決定自資試吓。」
說到和鄭俊弘結年底舉辦婚禮，會否計劃婚後即刻生B?何雁詩說：「會想過有下一代，但要遲幾年，因為啱啱做獨立歌手，想喺歌唱事業再衝刺一段時間，阿Fred都認同，我哋唯一唔會做嘅就係雪卵，只係想下一代健康同自然啲。」她提到去年11月鄭俊弘在蘇梅島旅行驚喜求婚過程，他事先問準她的父母，當時父母突然現身，讓她驚喜交集。問到何爸爸在二人最初交往時，有否過問鄭俊弘的緋聞?何雁詩則指爸爸很開明，雙方早已很投契。
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|