母親節快樂！
今日母親節，唔少星級媽媽都紛紛慶祝，好似剛於上月榮升媽媽嘅楊怡，就喺社交網貼出大肚時同媽媽影嘅合照，以及「小珍珠」出世後嘅抱B相，指成為人母後更深深體會到媽媽嘅愛：「今天的我已為人母，手中擁抱着我的寶貝，深深體會母親對兒女的疼愛！雖然年紀不小了，但在媽媽眼中，我還是昔日哪個要嫁給她的小女孩......無論我今天擔當甚麼樣的身份，我知道我都會一直一直拖著您的手，媽媽我好愛您。」
同樣於上月成為媽媽嘅楊秀惠，則上載與媽媽、囡囡「三代同堂」嘅合照，並留言多謝媽媽多年來嘅付出，冧爆表示：「謝謝媽媽從小到大都那麼愛護我。就算我長大結婚了，懷孕及坐月期間媽媽還是對我事事照顧，就連我的孩子（媽媽的外孫）媽媽也一樣疼愛。謝謝媽媽，我愛你。」
而正佗B嘅「準媽媽」周勵淇（Niki）亦有同媽媽慶祝，佢留言指最近懷孕加上疫情不能外出，媽媽貼心為佢買餸，但同時亦怕身上有細菌，故只將餸菜放於門外避免見面，令Niki感到內疚之外，亦更明明做人母親嘅偉大，坦言希望盛傳媽媽嘅美德，做一個好媽媽。
至於去年秘密生女嘅謝婷婷，則甫出一張BB腳仔相，指成為媽媽、睇住囡囡長大，係一生中最美好嘅事。而星媽陳凱琳及周汶錡，就分別大晒「媽媽視角」，趁母親節盡情晒B。
來源 source: http://hk.on.cc
|
鍾意就快D Share啦！
|
|
|