賴弘國在社交網自爆另有重要的女人，即時惹來網民猜測阿嬌的婚姻亮起紅燈。
鍾欣潼（阿嬌）和台灣老公賴弘國結婚兩年一直恨生B，可惜因各有各忙，遲遲未傳來好消息，呢排更因疫情關係，佢兩個要分隔異地，早前賴弘國被眼利網友發現冇戴婚戒，好多人都擔心佢哋婚姻係咪出現咗問題。
日前賴弘國喺社交網講到出口話為「生命中最重要的人」，就算休假都照返工，一班八卦網友立即攞包花生出嚟剝，而呢位人夫「生命中最重要的人」真身亦告爆光，原來就係…賴生個媽咪，即係阿嬌嘅奶奶。
照片中，賴醫生表情好專注咁幫媽咪打美容針，而賴媽媽都係一名靚媽，資料顯示佢已經花甲之年，都睇落依然好後生。賴弘國之前同老婆阿嬌齊亮相內地綜藝節目時，曾被問到「家人同阿嬌，邊個更重要？」佢回答：「說實話，我很愛我的家人。」不過隨即補多句：「我老婆對我是最重要的。」相信阿嬌亦以老公孝順為榮，唔會呷奶奶乾醋嘅！
來源 source: http://hk.on.cc
|
鍾意就快D Share啦！
|
|
|