陳豪、宣萱、滕麗名、羅仲謙、洪永城等，今晚在太子出席大台劇集慰勞宴，設宴11席，由主要演員陳豪、宣萱、滕麗名、羅仲謙、洪永城負責夾錢埋單。
見陳豪大隻不少，他透露是為了工作和家庭：「上咗年紀，要令自己更加fit，以前會注重練肌肉，而家會練體能。」提到他主演的大台劇《殺手》對撼由鄭浩南和雪兒主演的ViuTV新劇《地產仔》，陳豪說：「坦白講，拍劇都係想人哋睇，我又唔會話自己因為喺呢度開工，而話人哋唔好，我反而希望大家有好嘅成績，百花齊放。」
回想拍攝這套劇已有4個多月，宣萱表示拍到幾瘋癲：「當時個個帶口罩，政府不幾叫你stay喺屋企，其實都有無形壓力。」阿滕接住說：「我哋就不停唔喺屋企，同埋因為限聚令，好多街戲變車戲，因為限聚令唔可以想像喺出面，但唔代表唔可以喺公司，喺公司set晒車cam之後，我哋就上車揸出去，你咪自己出去拍，咁咪冇聚到囉，我覺得呢下好嘢。」現在終於拍攝完畢，大家都舒一口氣，宣萱表示先休息：「執屋、陪狗、整牙、身體檢查，而家可以做。」阿滕笑指：「前排經歷過斷晒手指甲、冇晒眼睫毛，因為佢哋全部唔開。」宣萱即教路跟要自學。她們透露待不用隔離，返大陸為《尋秦記》電影版補戲。
對於莊思明日前拍外景時，放在服裝車上的手袋被人偷去，她懷疑是閉門失盜，阿滕說：「因為我有助手，所以我啲私人嘢都交畀助手，所以我唔使擔憂。如果冇助手的話，可以搵相熟嘅梳、化、服幫手睇住，其實最重要都係證件。」
談到馬蹄露姪子兼YouTuber馬米高在新書爆料，指自己被資深女藝員「Old Seafood」奚落，一次坐在公家凳休息，這位女藝員見到即面露不悅，出言單打對方，跟身邊化妝師講：「你做咩唔坐，而家俾咗唔知啲咩人坐。」有傳滕麗名嫌疑最大，她說：「完全唔記得，同埋我鍾意自己帶凳。」會否給其他人坐？她笑說：「隨便坐。」而宣萱就力撐阿滕：「唔緊要，我哋都做好多冇做過嘅嘢。」
堪輿學家楊天命曾批洪永城與女友梁諾妍有機會奉子成婚，洪永城坦言會朝住這方向。是否不避孕？洪永城口快快說：「係喇！我ready，都差唔多年紀，都要做爸爸。」羅仲謙教他：「其實唔使ready，煮到埋嚟就食」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|