掃呢頁CODE去手機

2014年12月26日 星期五

[壹週刊 - 1294] Mandy Lieu海外安胎 華嫂四個月肚照食河豚?! Mandy,劉碧麗,Mandy Lieu,M1,




周焯華高調拖華嫂去派對,俾足老婆面子,為左右逢源做安撫工作。

探熱針

Mandy Lieu海外安胎 華嫂四個月肚照食河豚?!

今年八月爆出 Mandy Lieu搭上人夫、太陽娛樂老闆周焯華(洗米華)後,兩女爭一男廝片連續劇劇情不斷更新,人肉坐墊 Mandy Lieu發力滲透,愈擸愈多;不再死忍的正印高調繑夫出巡更傳有孕。點知「華種」王牌你有我都有,隨即爆出 Mandy Lieu跟華嫂同樣有咗四個月,兩個女人預產期撞埋明年五月,搞到周焯華一年抱兩,真係劇力萬鈞。

不過,佗有「華種」嘅華嫂,不單酒照飲,近日更被發現連有中毒風險的河豚刺身都照食?!咁勇!究竟是輕敵,還是同你死過?

無人夠膽勸阻

大婆二廠招來招往,為鎮住張人肉坐墊,一直以靜制動的華嫂忍唔住出招,先在微信及 facebook表心跡「不喜歡的毒死就好了。」、「你只是個賤人。」緊接休息了十一年的肚皮,亦因 Mandy Lieu過晒界而再啟動,傳出她佗住「華種」四個月,預產期明年五月;被拍到買 BB衫,專攻藍色,暗示佗仔的她更高調拖住老公周焯華,現身派對,將一切鋪排得妥妥當當。

跟小三 Mandy Lieu作戰,身懷「華種」無疑是作為鬥法一大籌碼,但華嫂卻有別一般孕婦!應酬不減,亦冇戒酒,相當唔錫身!

上週五(十二月十九日),華嫂還踩住三吋高踭,現身老友鄺美雲的珠寶展,之後跟黃栢高等拉大隊到日本高級食府「鮨銀座」歎河豚刺身,大肚婆無顧忌唔戒口,嚇窒大家。

「嗰晚 Heidi當自己冇嘢咁,唔單只食河豚,仲飲咗啲酒,有咗都唔忍口,大家都嚇一跳,但冇人夠膽出聲叫佢唔好食。」知情者說。

老公周焯華日前出席公司有份投資的電影《十月初五的月光》澳門開鏡儀式時,被問華嫂懷孕一事,亦答得奇怪:「佢身體冇問題……肥咗啫!」

為拑實大碼頭周焯華, Mandy Lieu做頑強小三。到底係華嫂有咗, Mandy才急起直追,還是華嫂追子保地位,真係只有佢三個先知。

19/12

傳聞大肚嘅華嫂,上週五偕一眾好友去食日本菜,仲犯孕婦唔戒口大忌,照食有風險的河豚,又在網上大晒當日品嘗幾千元的河豚刺身。

兩邊出招

點知同一時間,終於蒲頭的 Mandy Lieu「被發現」在養和睇急症,仲一副作嘔狀。隨即傳她亦同懷「華種」四個月。兩個女人想點呀!(《蘋果日報》圖片)

乘着懷孕新聞,華嫂拖住老公周焯華現身,一臉風騷的她以為取得勝利。

睇中三百萬藍寶

周旋於兩個女人之間左右逢源,風流的周焯華唯有做黃大仙,有求必應!早前獲老公送贈千萬珠寶安撫的華嫂,在鄺美雲的珠寶展再睇中三百多萬寶石首飾。

「佢睇中一套藍寶石,即場就打電話同老公講。三百幾萬對一向疏爽嘅華哥嚟講好濕碎,其實依家華嫂要乜,華哥都會滿足老婆,喺出面亦會俾足面佢,對 Mandy Lieu,華哥一樣照顧周到。」知情者說。

出席老友鄺美雲珠寶展的華嫂,有指她睇中兩套約三百多萬的珠寶首飾。(《蘋果日報》圖片)

華嫂歎河豚的日本餐廳「鮨銀座」位於上環,一個普通套餐都要過千,只設吧枱坐位。

華嫂同周焯華所生的愛女周梓潼( Virginia)已十一歲,為拑實老公,華嫂肚皮要再開工。

心煩有排坐唔正

兩女格鬥,華嫂高調拖老公攞彩當晚, Mandy Lieu亦不願坐以待斃!失驚無神出現養和醫院睇急症,按肚,掩嘴作嘔狀,有孕舉動做齊,更有傳她在醫院做埋孕婦超聲波檢查;未幾即傳出她為周焯華佗女四個多月,已返回大馬安胎,順便替男友打點當地業務。

撞都冇咁啱,又係有咗, Mandy Lieu亦同樣唔錫身,上月流出人肉坐墊片,照計她已有孕三個月,卻任由賭到興起的周焯華 Un住坐,零護胎意識。

有指未搵到機會坐正的 Mandy Lieu,遭對手「佗仔」穩固地位痛擊,小三招牌搣甩無期,近日相當心煩。

「問題變得愈來愈複雜,有咗但冇名分,佢情緒唔係太穩定,早排佢飛咗去台灣,都有搵朋友傾心事開解吓。」 Mandy Lieu身邊人說。

對於 Mandy Lieu懷孕、經手人是周焯華,其經理人 Marie並沒否認,還聲言「遲啲大家都知」。據了解, Mandy Lieu現時已全面停工。

正印二廠鬥法玩鬥大,將進入高潮。

上月爆出做人肉坐墊的 Mandy Lieu,照計已有孕三個月,但仍任由周焯華 Un住坐,唔錫身。

獲贈近億豪宅珒然,但有指心煩未坐正的 Mandy Lieu仍未入住。

近日華嫂在網上甫文表心跡,女人鬥起上嚟可以好爆!

上週在澳門現身電影開鏡的周焯華,被追問老婆懷孕時,竟然話只係肥咗!

大仔撐繼母

繼母與老豆新寵 Mandy Lieu互片,遠在英國的周焯華兒子 Pakco(周柏豪)隔岸觀火,即使沒直接表態,但卻將一張攬住繼母和妹妹的合照晒上網,又大讚其 family夠 cool。周柏豪擺明撐正印。

有乃父之風的洗米華大仔,在網上常晒攬女相。



鍾意就快D Share啦!