掃呢頁CODE去手機

2015年12月30日 星期三

2015最爆娛聞回帶 [FACE - 449] __,MF,

全知言2015最爆娛聞回帶轉眼嚟到12月尾,今年娛樂圈小三當道,Heidi同MandyLieu出盡絕招爭「米」夠晒戲劇性;強國女孫君子暗交司馬燕老公Togi亦相當震撼!除咗大婆小三長霸頭版,2015其實仲有唔少大新聞發生,究竟啲藝人又覺得今年邊單娛樂新聞最轟動呢?Anjaylia:Gigi生B網上圖片2015最震撼新聞係Gigi梁詠琪生咗BB女!因為我細細個已經好鍾意聽佢嘅歌,又睇佢嘅戲,算係佢嘅 ...


全知言

2015最爆娛聞回帶

轉眼嚟到 12月尾,今年娛樂圈小三當道, Heidi同 Mandy Lieu出盡絕招爭「米」夠晒戲劇性;強國女孫君子暗交司馬燕老公 Togi亦相當震撼!除咗大婆小三長霸頭版, 2015其實仲有唔少大新聞發生,究竟啲藝人又覺得今年邊單娛樂新聞最轟動呢?

Anjaylia: Gigi生 B

網上圖片

2015最震撼新聞係 Gigi梁詠琪生咗 BB女!因為我細細個已經好鍾意聽佢嘅歌,又睇佢嘅戲,算係佢嘅 fans。終於都見到佢結婚、生 BB,感覺上係睇住一個偶像一路長大,呢件事真係好深刻,希望自己都快啲有呢一日

邵仲衡:怒摑曾江

最震撼一定係見到 Ken哥(曾江)被四哥一嘢……嘩,我個心離一離囉!我諗好多人同我一樣,呢單真係走唔甩,一定係今年最震撼嘅娛樂新聞!

《蘋果日報》圖片

莊思敏莊思明:城城拖手

2015娛樂圈其中一件大盛事,就係「這樣回答要慢一點」,郭天王公開戀情喇!郭富城拍拖喇!封咗盤喇!

網上圖片

Miss Hunny:叻哥乜乜乜

2015最有娛樂性嘅娛樂新聞,係啱啱叻哥哥話如果佢生於呢個年代,佢係青年的話,會做特首同埋創辦到 facebook!呢單真係好娛樂呀!

電視畫面

As One: Baby結婚

最震撼新聞一定係曉明寶寶同 Angelababy嘅世紀婚禮!真係超級超級浪漫,喺上海一個堡壘結婚,延開好多席, Angelababy又靚到不得了,簡直係將所有女孩子對於婚禮嘅門檻升高咗一百級!嗰幾日都係被呢單新聞洗版!

《蘋果日報》圖片

最 hit娛聞 街坊:一定係郭富城同 Moka

劉先生:

最震撼一定係郭富城同 Moka!真係意想唔到,佢會同個咁後生嘅女仔拍拖,個個都唔識呢個女仔係邊個,嗰排都好多關於佢哋嘅新聞。

網上圖片

吳小姐:

我覺得最轟動係洪永城同黃翠如,因為個個都講,搞到我都唔知佢哋係咪真係一齊,周圍都係佢哋啲嘢,唔想睇都要迫我睇到!

網上圖片

楊先生:

應該係叻哥上《我係乜乜乜》嗰單,佢講嘢冇邏輯,好多嘢都亂噏當秘笈,身邊個個朋友都笑佢!

電視畫面

即時報料 facepop

熱線: 9222 0828

電郵:facenews@nextmedia.com

facebook: Face Magazine inbox

line、 we chat id: facemagazine


鍾意就快D Share啦!