2015年12月30日 星期三

熊仔頭電台開咪 新女上場:最緊要識搵錢 [FACE - 449] __,MF,

身為90後嘅Joffe,雖然一心想做DJ,不過無讀大學,佢參加過新城舉辦DJ訓練班後,再經當時同學仔介紹而加入dbc嘅。曾經主持過音樂節目、報過新聞,現主要編寫廣告,做緊熊仔頭吹水台主持。爆Like王熊仔頭電台開咪 新女上場:最緊要識搵錢熊仔頭帶紅咗杜小喬,雖然家陣娘娘好少拍片,不過熊仔頭同藍仔頭又點會從此就唔搵女partner吖!喺dbc數碼電台有個專屬節目嘅熊仔頭,最近又換咗位叫做Joffe嘅 ...


身為 90後嘅 Joffe,雖然一心想做 DJ,不過無讀大學,佢參加過新城舉辦 DJ訓練班後,再經當時同學仔介紹而加入 dbc嘅。曾經主持過音樂節目、報過新聞,現主要編寫廣告,做緊熊仔頭吹水台主持。

爆 Like王

熊仔頭電台開咪 新女上場:最緊要識搵錢

熊仔頭帶紅咗杜小喬,雖然家陣娘娘好少拍片,不過熊仔頭同藍仔頭又點會從此就唔搵女 partner吖!

喺 dbc數碼電台有個專屬節目嘅熊仔頭,最近又換咗位叫做 Joffe嘅女 partner,不過呢位新女經常被熊仔頭同藍仔頭取笑,巴打笑佢接唔到嘴, Joffe亦承認:「佢哋突然間喺度唱歌,我接唔到企咗喺度!」幕前同幕後都識撈嘅熊仔頭新女,話到明最緊要識搵錢添喎!

F:《 FACE》  J: Joffe

F:之前同熊仔頭合作嘅係校園台阿 Long,點解突然轉咗俾你?

Joffe話仲未搵到同兩隻熊仔嘅默契,好多時都俾佢啲 gag搞到企咗喺度。

J:阿 Long要負責校園台嗰邊,再同熊仔頭做埋節目,佢幾乎無得放假!我啱啱入職嘅時候都係做 PA,慢慢覺得做電台人要係幕前同幕後都識,同埋最緊要識搵錢。咁公司啲同事又知道我之前係有做過節目嘅,咁就試吓同熊仔頭、藍仔頭合作會有咩火花囉。

F:同熊仔頭做節目最難係乜?

熊仔頭捧紅咗杜小喬,不過杜小喬自從簽咗經理人後,已經好少拍片( YouTube畫面)

J:我諗最難就係同佢哋鬥轉數快囉!因為佢哋真係快到接唔到,同埋有時佢哋啲 gag呢,係佢哋兩個先有㗎,佢兩個好有默契,咁佢哋一嚟嘅時候,突然間喺度唱歌,我就接唔到就企咗喺度,呢樣嘢係最難。

F:佢哋除咗頭套係另一個人?

J:佢哋戴頭套同唔戴係兩樣嘢嚟㗎,即係佢哋除咗個頭套會靜啲,唔知係咪一啲轉數快嘅人都係有呢啲通病,佢哋會話「我哋唔好講住,一陣開咪先講」,佢哋唔可以綵排一次,因為如果綵排咗就發揮唔到,但係一戴咗頭套就突然好似變身咁,突然啲嘢就係咁爆出嚟,咁我就會話:「頭先佢哋唔係咁㗎喎!」

F:佢哋兩個性格係咪好相似?

J:熊仔頭係靜啲,係多嘢諗啲嘅人,你會知道佢內心有好多諗法,要「撩」佢令到佢㷫㷫哋好想爆喇,佢就「 bilibala」係咁講,同埋一定要藍仔頭配合佢先得嘅,因為佢哋真係識咗好耐,佢哋由中學時代已經識,而藍仔頭份人就係咩都無乜所謂,咁就變咗熊仔頭好有主見,而藍仔頭迎合佢,所以佢哋兩個有好多火花。

F:你覺得佢哋毒唔毒呢?

熊仔頭最鍾意搵靚女幫手拍片,近期佢哋就搵咗新晉 model兼演員(拍過剛上畫《紀念日》)嘅林小美喇! Joffe有冇機會做下次主角呢?( YouTube畫面)

J:佢哋一啲都唔宅㗎,佢哋有女朋友,已經唔係宅㗎喇!如果真係咁宅嘅話呢,應該對社會或者身邊自己生活嘅嘢無咁多睇法。其實佢哋係好細緻、好細微嘅嘢都有諗,所以佢哋先捉到嗰啲 point、搞到嗰啲 gag,之後再發大令我哋聽落好舒服,好過癮,好有共鳴。


鍾意就快D Share啦!
Related Posts Plugin for WordPress, Blogger...