2015年12月30日 星期三

讀女校唔斯文 公大 Dancing Queen:會偷望隔籬學校男仔 [FACE - 449 - 大專校園] __,MF,

黎蘊芝Dilys公大管理系Yr.3fb:DilysLaiig:lwc_dilys下年畢業嘅Dilys希望投身公關界,雖然明知工時長又辛苦,不過佢就話自己應付到,希望可以擴闊自己圈子,識多啲人。U花U草讀女校唔斯文 公大DancingQueen:會偷望隔籬學校男仔讀女校嘅女仔一向感覺會較斯文、內斂兼公主feel。不過21歲讀緊公大嘅Dilys就有啲唔同,影相訪問紮紮跳坐唔定,冇乜女校學生feel。「 ...


黎蘊芝 Dilys

公大管理系 Yr.3

fb: Dilys Lai

ig: lwc_dilys

下年畢業嘅 Dilys希望投身公關界,雖然明知工時長又辛苦,不過佢就話自己應付到,希望可以擴闊自己圈子,識多啲人。

U花 U草

讀女校唔斯文 公大 Dancing Queen:會偷望隔籬學校男仔

讀女校嘅女仔一向感覺會較斯文、內斂兼公主 feel。不過 21歲讀緊公大嘅 Dilys就有啲唔同,影相訪問紮紮跳坐唔定,冇乜女校學生 feel。

「其實讀女校嘅女仔唔係想像中咁斯文嘅,我哋成班女仔都玩得好癲。記得以前喺學校會戙高對腳坐、又會吱吱喳喳狂吹水、成班女同學喺課室換衫,又會挨喺窗邊偷望隔籬學校啲男仔。最搞笑係成日冇啦啦會拉低女同學校服裙後面條拉鏈!平時個個返學出街都唔打扮,一到 Christmas Ball就個個盛裝打扮,做番個女仔咁斯斯文文,諗起都好笑!」

由小學二年級開始學中國舞,𠵱家考到 12級(最高 13級)嘅佢原來係 dancing queen,最癲仲試過一星期練足七日,朝 10晚 6咁練舞,「試過練頂個碗喺個頭上面,練嘅過程我打爛咗十幾隻碗,諗番起的確好辛苦,但我好享受喺台上表演嗰種感覺。以前學跳中國舞都係貪靚,可以着古裝,但慢慢從練習、比賽中攞到份滿足感,𠵱家總算叫有樣嘢叻。」

Dilys平時鍾意唱歌跳舞, jazz、 jazz funk、 hip hop都有玩,「但係我完全唔做運動㗎,跳舞當做運動!」

Dilys(左下)熱愛中國舞,享受同隊友瘋狂練舞,「中國舞係從小組形式比賽,所以每次表演或者比賽前都會同隊友狂練,感覺好熱血!」

咪睇 Dilys乖乖樣,其實佢自爆自己中學時期成日唔交功課, TSA評估又專登唔返學,老師都冇佢符。

撰文:葉浩婷

攝影:范仲良

化妝及形象: Kika Wong

鳴謝: Megasea Ltd.


鍾意就快D Share啦!
Related Posts Plugin for WordPress, Blogger...