熱爆娛樂: MK味濃　太 MK英文差　李佳芯被張曦雯亂入搶律師戲 [FACE

2015年12月30日星期三

MK味濃　太 MK英文差　李佳芯被張曦雯亂入搶律師戲 [FACE - 449] __,張曦雯,李佳芯,MF,

李佳芯有機會做男神方中信徒弟扮律師，但可惜珍姐覺得英文唔多掂，搞到有機會俾張曦雯亂入！

真面目

MK味濃　太 MK英文差　李佳芯被張曦雯亂入搶律師戲

大台舊人買少見少，新紮藝人梗係趁機爭寵上位啦，尤其首選係跟住余詠珊由 cable過大台嗰班好似做開主持嘅李佳芯，加入大台拍劇 1年就已經喺最近開拍的《律政強人》做女一，騎住黃智雯好威威！

諗住兩個女仔玩晒套戲，但珍姐忽然覺得李佳芯太 MK唔似律師，空降從明珠台做開主持嘅張曦雯亂入《律》劇，明顯想分薄余黨嘅李佳芯

啱啱開拍嘅《律政強人》有智叔廖啟智、方中信呢啲卡士算係咁啦，智叔同方 Sir點鬥法就要等下，𠵱家睇住班女角鬥住先。

咪劇本

早前在灣仔拍外景，李佳芯都有努力睇劇本，始終成班老戲骨，唔可以太失禮嘅！

之後李佳芯同劉丹對戲，一樣交足功課！

姣秘書升呢

關二嫂黃智雯嘅演技話晒曾經被觀眾大讚，但最近已經冇乜機會做女一，據知黃智雯喺《律政強人》再次要做女二，女一竟然只係拍咗劇 1年多啲嘅李佳芯，之前在《波士早晨》做姣秘書，到今次喺劇中戲份最重，同黃智雯同樣飾演律師，二人分別係智叔同方中信呢對死對頭嘅徒弟。

李佳芯原名李嘉馨，在有線年代做過主播同節目主持，算係 Cable當紅主播之一。

12年華姐冠軍，張曦雯小學 4年級開始就由香港移民過美國，英文真係超流利，難得被珍姐睇中離開明珠台，張曦雯亦好興奮勁同方中信合照。（網上圖片）

8月時返芝加哥度假，張曦雯更大晒三點式，大台姐仔好少見。（網上圖片）

「戲份好平均！」

不過律師呢啲專業唔係話演就演，據知高層珍姐曾勵珍十分擔心兩個女角冇說服力，所以搵咗喺明珠台做主持嘅張曦雯加入，同樣飾演律師兼李佳芯死黨。有傳珍姐覺得李佳芯同黃智雯英文未夠班，而華姐出身嘅張曦雯無論身形同英語水平都似樣好多，因此佢戲份都會好突出。

對於劇份被分薄，李佳芯就話：「劇本太約出到一半啦，我睇就覺得大家嘅戲份都好平均㗎！可能編劇風格係咁啦，所以冇乜邊個戲份特別重！」即係話自己戲份仲好多，唔怕多隻鬼囉！