2015年12月30日 星期三

老竇 14物業清袋 老母鋪仔賣 con 貪心何傲兒空心周子揚一拍兩散 [FACE - 449] __,周子揚,傲兒,何傲兒,MF,

上週六(26日),何傲兒終於步出家門,不過面對大批採訪記者就不發一言。封面老竇14物業清袋 老母鋪仔賣con 貪心何傲兒空心周子揚一拍兩散講錢失感情是常識吧?又話真心相愛,又會開口埋口講錢,甩拖甩到周子揚同何傲兒一樣咁肉酸,呢個星期大家食花生係咪食到好飽呢?靠女友上報唔係第一次,終於一拍兩散仲唔盡地一煲咩?有請娛樂圈新渣男周子揚,一分手即call記者爆大鑊,力數何家全家貪錢需索無度,又自稱幫何家解 ...


上週六( 26日),何傲兒終於步出家門,不過面對大批採訪記者就不發一言。

封面

老竇 14物業清袋 老母鋪仔賣 con 貪心何傲兒空心周子揚一拍兩散

講錢失感情是常識吧?又話真心相愛,又會開口埋口講錢,甩拖甩到周子揚同何傲兒一樣咁肉酸,呢個星期大家食花生係咪食到好飽呢?

靠女友上報唔係第一次,終於一拍兩散仲唔盡地一煲咩?有請娛樂圈新渣男周子揚,一分手即 call記者爆大鑊,力數何家全家貪錢需索無度,又自稱幫何家解決過廿萬稅項,不過就滿足唔到女友家姐何傲芝個個月廿萬生活費喎!左廿萬右廿萬,講到無底深淵一樣。據悉實情係有人連環擘腿俾女飛,索性反咬一口,求上報得逞仲有得轉移視線添!如意算盤其實有冇計埋花心又冇品,靠咁上 C1會賺到幾負皮呢?

為上報連割包皮都講得出口,仲有咩係周子揚噏唔出?上週四包皮王周子揚揀正平安夜向前度何傲兒及全家送大禮,公布完分手又再自爆內幕,自稱同何傲兒真心相愛,可惜何爸爸同何家姐向錢看,出到聲要每月廿萬生活費,有心無力忍痛割愛咁話。

分手搞到拖埋老竇落水,何爸爸都算唔話得,風頭火勢照樣做司機,送女兒離港散心避是非。

相戀短短 14個月貨仔,周子揚同何傲兒由撻着到派花生派到分手,周子揚爆完何爸爸同何家姐出到聲要錢後,何氏姊妹出聲明反擊,仲有排食。

昔日係馬主係老闆又擁有 14物業,何父 05年所有物業清袋,去年 2月更申請埋破產,其後撤回呈請。現時一家四口一齊租住將軍澳日出康城。《蘋果日報》圖片

何母聖誕節看鋪

平安夜周子揚爆大鑊,聖誕正日輪到何氏姐妹出招,聯合發聲明指周子揚說法全屬揑造,保留一切法律追究權利。不過連日遇着記者追訪,就一概保持沉默,週日( 27日)更索性離港避風頭。

《 FACE》獨家捕獲在銅鑼灣商場開設蚊型大眼 con店的何媽媽,原來在周子揚口中貪得無厭、要求廿萬一個月生活費形同賣女的何媽媽,為賺每單不過一百幾十的生意,聖誕佳節幾日公眾假期照常一個人看鋪營業。何傲兒原本有個富貴馬主老竇何世根,但 04年 2月自行入稟高院申請破產,但其後又向法庭撤回破產呈請,而何父多年來購入的 14物業亦先後賣出,一家四口現租住日出康城。何父物業清袋,何母則要賣 con,被傳媒發現有盤小生意的何媽媽一見記者十分意外,雖然婉拒訪問,還是在請記者離開途中說了幾句。

至於何母,僅僅在 07年陪女兒面試港姐時露過面,原來近年一直在銅鑼灣某商場經營小生意賣隱形眼鏡。

被塑造成賣女貪錢靠女養家,其實知情人士透露,何父(左二)私底下並沒有和周子揚正式見過面。《蘋果日報》圖片

禮貌請記者離開途中,何媽媽無意透露:「冇見過佢(周子揚),印象好模糊,細路仔啲嘢邊度阻止到!」

向來低調的何媽媽一見記者,拿起枱面數簿奮力遮擋迴避鏡頭。

接受記者訪問數臭何氏全家前一日,周子揚才發微博說「不要再用文字傷害一直美好的它」,講一套做一套。(網上圖片)

出道 6年,周子揚最出名就係有溝女戰績同有個「西貢地王」爸爸,不過言下之意,地王爸爸沒有幫他月付廿萬維持戀情,有指周並不如外界所說有家底,其實係「空心老倌」。(網上圖片)

少少鹹多多脆

絕對唔係幫金龜嘜萬里望花生賣廣告,係「兒子戀」年多以來不斷派花生,有十三啜又有照田雞,有假分手又有爺爺介入,花生份量略嫌過多,俾人唞下得唔得?

《蘋果日報》圖片

去年七月,何傲兒首先同年長 51歲的林建名被指譜出爺孫戀,戀情炒得最㷫烚烚之際,林爺爺甚至當眾撒淚話何傲兒冇聽佢電話。

《蘋果日報》圖片

唔聽電話原來係有「第三者」!呢段爺孫戀無花無假係隨着七月尾周子揚介入、與何傲兒車廂激咀而告終。

戀情極速升溫不過亦都估唔到咁快凍過水,十三啜報導出咗兩日,何傲兒又失驚無神宣布分手,話唔識保護自己。

《蘋果日報》圖片

網上圖片

網上圖片

分手係真定係假?兩個月後「兒子」又被撞破情侶裝遊韓,分分合合快過火箭。

今年五月正式約滿大台,何傲兒高調轉投林健名旗下,仲用「爺孫戀修成正果」形容轉會,同時自稱當時單身。

圖片

分手前一個月,其實「兒子」照田雞四粒鐘登上雜誌封面,相比之前十三啜兩日後玩分手,今次未算好突然。

至於去年爭輸今年又簽得成,正式私有化何傲兒的林建名,就由契女戴夢夢代言:「冇嘢回應!」

F:《 FACE》何:何媽媽

F:講幾句啦,何太!

何:唔好喇,呢啲嘢乜嘢句都唔好講!

F:其實你有冇見過周子揚?

何:其實未見過……好似喺啲 Party見過,印象好模糊!

F:係唔係你同何生反對佢哋至會分手?

何:細路仔啲嘢冇得反對……唔好講喇,我仲要做生意。

空心老倌

其實開口埋口索求個個月廿萬生活費,真係咁易賣女求財又點會志在百呎鋪頭仔、一百幾十蚊生意仔!

相反自稱努力求財「滿足」何家需索的周子揚,圈中知名度、工作量少得可憐。 09歌手身份出道,唱歌唔掂再轉戰電視圈,演藝少作為,最響名堂就係有個西貢地王老竇同「 13啜傲兒 BB」。不過周父地產買賣全屬名下八間公司操作,完全冇周子揚份;而近年所謂積極工作考勻地產、金融、保險牌照的周子陽,實情收入不見增加,反而因為藉傾生意為名搞飯局狂食女報導就一個接一個。

不獲前度蕭正楠承認,有指何傲芝為報復撻着大台二打六張明偉,不過張明偉家住元朗豪宅,身家厚過蕭正楠好多。《蘋果日報》圖片

圖片

九月頭至照完田雞,九月尾就分手,據知情人士透露,一年來周子揚多次拈花惹草,其實分分合合好多次。圖片

花心蘿蔔

雖然俾唔起個個月廿萬生活費,但自稱俾咗何家廿萬處理稅項,據知情人士透露同樣係大話:「佢絕對冇俾過何家錢!再講要交廿萬稅前題係一年收入幾百萬,人哋有幾百萬收入就唔使靠佢嗰廿萬」

唔只金錢、講感情一樣句句不屬實。十月初被拍到與曹思詩孖住放狗又上樓,周子揚為表心跡向記者發表「我嘅心喺 Lily度」愛的宣言,其實當時周子揚已經與何傲兒正式分手,分手原因正是因為有人三番四次擘腿斷正。分手扮無事、分完手至走出嚟爆大鑊,前言不對後語又突然反轉豬肚,表面戇直的周子揚實情好難捉摸啫!

拍拖時「兒子戀」曾同何傲芝張明偉四人行,又估佢唔到最後反咬一口。(網上圖片)

被周子揚指出親口索取廿萬生活費,何傲芝翌日與何傲兒聯合發聲明,指報導全無事實根據,並會向周子揚保留追究權利。(網上圖片)

網上圖片

新聞王子

報新聞有主播界新聞王子,周子揚演藝事業發展麻麻,不過就最叻自製新聞無中生有見報機會,其實又何嘗唔係新聞王子呢?

吸女磁石

用見一個吸一個形容周子揚絕對唔過份,李蘊、趙哲妤、三線小花曹思詩、陳瑋琪仲有好多以傾生意為名、見多你幾面嘅生意拍檔,難怪女友頂唔順。

交足戲㗎

去年至今因為何傲兒知名度大增,其實周子揚上一次由唔識變有人識,都係因為同鄭嘉穎前度徐靖雯拍拖,被偷拍時仲餵埋嘢食好恩愛。

《蘋果日報》圖片

包皮都講

13年加入大台做極係閒角,入行六年拍電影亦一隻手指數得晒,去年為求上報,周子揚自爆因為割包皮搞到拍唔成《衝上雲霄 II》,被封為一代包皮王。

先數者賤

《蘋果日報》圖片

無論邊個唔啱,邊個唔着,感情係兩個人嘅事,邊個數臭都唔啱,更何況第一個企出嚟先爆陰毒嗰個係男方?娛樂圈史上都有幾個周子揚同類,真係要勸呢幾位現時嘅另一半,睇路吖!

鍾鎮濤

全香港人都知阿 B鍾鎮濤同前妻章小蕙有幾大仇口, 99年離婚後數完再數都未夠, 07年又再出多本《麥當勞道》,話就話自傳,其實主打又係數前妻。

Gordon

壞男人真係識一個就夠,衞蘭未出道時同 Rosemary前男友、夜店 DJ Gordon拍過拖, 06年出道爆紅, Gordon即刻自爆二人當年親密關係,嬲到衞詩都要唱首歌送俾佢:〈 Be A Man〉。

《蘋果日報》圖片

魏駿傑

正所謂好男不與女鬥,更何況當年擘腿,滕麗名都未出聲,多年以後魏駿傑反而無嗱嗱在微博開火:「難怪人家不要他,明智!這種賤人趁早撇低,否則後悔一輩子!」不過俾滕麗名一句 KO:「幸福嘅人唔會周圍鬧人!」

採訪、撰文:娛樂組

攝影:娛樂突發組


鍾意就快D Share啦!
Related Posts Plugin for WordPress, Blogger...