2015年12月30日 星期三

好杏福 沙頭角祠堂變陣 胡杏兒趕生猴 B分丁權 [FACE - 449] __,杏兒,胡杏兒,MF,

週一(28日),老公李乘德於郝德傑山成功接到杏兒後,臨上車即應記者要求咀嘴。真面目好杏福 沙頭角祠堂變陣 胡杏兒趕生猴B分丁權2015年12月28日早上7點幾,胡杏兒一句「我準備好了」,未婚夫李乘德(Philip)即出發接新娘,下午3時二人於上水雙魚河鄉村會所完成簽紙手續,胡杏兒正式榮升李太。二人本安排入老公的沙頭角祠堂拜堂,但據知細心杏兒早知會有大批記者追訪,為免搞亂沙頭角秩序,即提議於與沙頭角 ...


週一( 28日),老公李乘德於郝德傑山成功接到杏兒後,臨上車即應記者要求咀嘴。

真面目

好杏福 沙頭角祠堂變陣 胡杏兒趕生猴 B分丁權

2015年 12月 28日早上 7點幾,胡杏兒一句「我準備好了」,未婚夫李乘德( Philip)即出發接新娘,下午 3時二人於上水雙魚河鄉村會所完成簽紙手續,胡杏兒正式榮升李太。

二人本安排入老公的沙頭角祠堂拜堂,但據知細心杏兒早知會有大批記者追訪,為免搞亂沙頭角秩序,即提議於與沙頭角非常接近的上水雙魚河鄉村會所簽紙,好讓沙頭角禾坑李氏客家村民都可以輕鬆到場觀禮。如此細心的杏兒,對於為李家生仔攞番個丁權,應該都係「我準備好了」

杏兒晚上在尖沙咀 Ritz-Carlton婚宴場地單拖見記者,當日所有婚紗、禮服全部自家公司出品,慳錢得嚟又可以賣吓廣告添!

胡杏兒於今年 11月的生日會上公布與未婚夫李乘德( Philip)婚訊,終於在週一( 28日)成為李太。

杏兒諗計轉陣

有傳二人會於英國古堡行禮,又話要到沙頭角拜祠堂,查實一對新人已將祠堂轉陣至上水雙魚河鄉村會所,更於會所內簽紙結成夫妻。

Philip曾被要求大婚當日要帶杏兒到沙頭角拜祠堂,不過二人想要西式婚禮之餘,亦不希望大批記者湧入沙頭角影響村內秩序,故杏兒即轉陣在上水搵場地,最終搵到最接近沙頭角的上水雙魚河鄉村會所,避免一眾鄉親要長途拔涉飲杏兒杯新抱茶。

杏兒套褂要成 20幾萬,以為二人着晒傳統禮服返祠堂拜堂?錯喇,淨係朝早斟茶用咋!

畢竟杏兒都 36歲,載埋老爺奶奶送嘅金豬,想唔生 B都唔得

斟茶儀式後,二人移私上水雙魚河鄉村會所舉行 Cocktail簽紙儀式,宣讀誓詞時,杏兒更開心到喊!

一次生三個

據知 Philip是沙頭角禾坑李氏客家村的後人,由於客家人相當傳統,杏兒嫁入李家做客家大嫂後,一定要嚴守家規。畢竟 Philip 42歲、杏兒 36歲,當然要盡快為李家開枝散葉。難怪杏兒早前在訪問中透露有跟男友討論生仔問題,話 Philip好鍾意小朋友,仲希望自己可以一次生三個。

趕生仔另一原因, Philip屬圍村人,只要有男丁就有丁權,所以二人婚後即開始不設防,務求趕工造 B。有仔有地歎住過下半世

咪睇杏兒有大班姊妹團好把閉呀,其實 Philip兄弟團有 23人,仲勁過老婆呀!

大台監製潘嘉德都有嚟觀禮,仲俾黃智雯扯實唔放,其餘姊妹亦圍實監製。

既然班姊妹要幫手招呼朋友,杏兒件拖尾婚紗惟有搵工作人員幫手拎

正式成為李太後,二人再次成為接吻魚,務求影到爆咭為止。

麥玲玲:猴年生 B好時機

李杏大婚好開心,嗱嗱聲生個男丁攞埋丁權就更加圓滿,玄學家麥玲玲仲話猴年係利生 B添:「嚟緊猴年同雞年係幾適宜添丁,所以連續 2年有喜運,應該都好大機會有小朋友喇!

不過要留心一樣嘢係佢哋嘅生肖相沖(杏兒屬羊、 Philip屬牛),佢哋要留心有時要各有各忙、聚少離多反而會好啲,如果唔係就會有嗌交喇。記住俾多啲空間大家就得喇。」

採訪、撰文:娛樂組

攝影:娛樂組


鍾意就快D Share啦!
Related Posts Plugin for WordPress, Blogger...