子華氹掂鄭裕玲拍《男親女愛》續集
無綫經典劇集《男親女愛》雖然已播畢15年，但一班演員黃子華、鄭裕玲（嘟嘟）、鄧健泓等仍然感情要好，前晚聯同該劇監製徐正康舉行周年飯敍。據知子華有意牽頭於明年尾，以原班人馬班底開拍《男》劇延續篇，眾人齊聲叫好，就連最抗拒再拍劇的嘟嘟態度亦軟化，故今次「阿Lok」與「Miss Mo」再度攜手合作，相信劇迷定必拍手叫好！
由黃子華及鄭裕玲（嘟嘟）孭飛的無綫經典劇集《男親女愛》，當年曾創下50點收視佳績，二人除摘下「我最喜愛的電視男、女角色」獎外，嘟嘟更憑該劇榮升視后之列，風頭一時無兩，粉絲們對該劇亦有一份難以遺忘的情意結。
阿Lok成律師樓老闆
雖然該劇至今已有15年歷史，但當年有份參與演出的「阿Lok」黃子華、「Miss Mo」鄭裕玲、「阿Man」鄧健泓、「Apple」陳彥行、「James」蔣志光也不時有聚會，前晚眾人聯同該劇監製徐正康聚首一堂來個《男親女愛》15周年打邊爐飯局，嘟嘟更把照片與網友開心Share，並留言：「男親女愛今（前）晚出席的演員，雖然不齊人，但始終開心可以聚在一起！希望下次會齊人There's always a next time！」照片一出，隨即令大家湧現對劇中「CK律師樓」的回憶，不少網友追問劇組何時再合作。
其實粉絲們又毋須心急，因為主角子華亦心思思欲原班人馬再合作，故近日已不斷游說徐正康再出任監製，惟徐正康將於二月尾開拍由《鬼同你OT》原班人馬的《來自喵喵星的你》，而子華於明年上半年也要投入棟篤笑，故最快檔期要到明年底才成事，據知兩人已開始商量故事，子華原定欲開拍《男》劇外傳，預計5至10集，但徐正康卻認為拍攝延續篇較為適合，故事將承接《男》劇結局，「阿Lok」成為了律師樓老闆後，與「Miss Lok」感情亦發展順利，故事圍繞15年後有甚麼變化。
監製：大家有呢個意思
今次子華作為牽頭人，全劇演員也舉腳贊成，雖然嘟嘟曾揚言不再拍電視劇，但見子華不斷游說，兼且《男》劇的黃金班底於15年後再聚，條件卻又相當吸引，故嘟嘟的態度亦開始軟化，相信以子華的口才，要她答應亦絕無難度。
本報昨日向徐正康求證，他坦言與子華的確有討論過原班人馬再合作，但成事與否尚要下回分解，更謂：「咁大家都有呢個意思，嘟嘟亦都唔抗拒，我年頭又要開劇，子華都要開騷，所以要等到年尾囉！不過大家真係好懷念以前成班人合作得好開心嘅。」
文：影視組
|
鍾意就快D Share啦！
|
|
|
