掃呢頁CODE去手機

2015年12月30日 星期三

轉場 投資石詠莉 Hi-Fi碟大賣 鄧健泓 3月離無綫港台開咪 [FACE - 449] __,石詠莉,無綫,鄧健泓,MF,

新城陪食上週六(26日)新城頒獎禮,鄧健泓神秘現身慶功宴撐女友。真面目轉場 投資石詠莉Hi-Fi碟大賣 鄧健泓3月離無綫港台開咪本月中陳志雲的收受利益案判刑,當日除了王喜一如以往貼身服侍陳總外,有指脫離了「迷雲黨」多時的鄧健泓亦有現身,回復黨員身份。成功搶fo的鄧健泓,即將約滿大台,原來他早已開公司做製作人,力捧月前出過處女Hi-Fi碟的女友石詠莉(Sukie)做Hi-Fi小天后!有女友做金蛋,近 ...


新城陪食

上週六( 26日)新城頒獎禮,鄧健泓神秘現身慶功宴撐女友。

真面目

轉場 投資石詠莉 Hi-Fi碟大賣 鄧健泓 3月離無綫港台開咪

本月中陳志雲的收受利益案判刑,當日除了王喜一如以往貼身服侍陳總外,有指脫離了「迷雲黨」多時的鄧健泓亦有現身,回復黨員身份。

成功搶 fo的鄧健泓,即將約滿大台,原來他早已開公司做製作人,力捧月前出過處女 Hi-Fi碟的女友石詠莉( Sukie)做 Hi-Fi小天后!有女友做金蛋,近年被大台投閒置散的鄧健泓,亦決定去港台開咪, 41歲轉行做 DJ。唔使靠志雲在商台開咪,鄧健泓靠自己揀咗港台,起碼好過留喺大台冇發圍

陳志雲的收受利益案審訊長達 5年,多年來鄧健泓從未現身,直至早前判刑又突然出現,令人懷疑鄧健泓對陳總又有事相求。實情係,鄧健泓與陳總一直保持聯絡,是有心的「黨員」,不似反骨崔建邦無義氣。

除咗出錢,鄧健泓仲陪女友周圍宣傳派碟。

首張 Hi-Fi碟《聽聽 Sukie's》獲高度評價,連續多個星期佔據 HMV廣東歌曲榜十大位置。

極速回本

對恩師情重,對女友 Sukie更照顧。為支持女友出 Hi-Fi碟,鄧健泓經常中港兩邊走登台搵錢,又親自為女友作曲及設計形象,四出宣傳亦陪到足,出錢出力撐 Sukie。

好在 Sukie的處女 Hi-Fi碟《聽聽 Sukie’ s》成績好好,加印 6次銷售過萬張,連續 14個星期在 HMV廣東歌榜十大,投資近百萬極速回本。鄧健泓幫女友成功由性感女子組合 Freeze成員轉型做「 Hi-Fi小天后」,唔少唱片公司都爭住簽,更鐵定下年再出碟。

鄧健泓同 Sukie拍拖 3年,感情穩定,連眼神動作亦相當一致。

Sukie在新城頒獎禮獲「勁爆流行 Hi-Fi歌手」金獎。

「返 TVB一定唔會!」

Sukie有市場,反而鄧健泓在大台發展非常一般,對上一套劇已經係《使徒行者》的黑警角色,之後一直冇劇開,要靠北上登台及參演舞台劇搵食。

留低冇前途,鄧健泓決定 3月約滿大台後唔再續約,改去港台開咪做 DJ。本週一,《 FACE》致電鄧健泓,他說︰「同 TVB 3月約滿,之後會去港台做,𠵱家傾緊細節,遲啲落實後會公布!」至於會唔會同大台改簽部頭,鄧健泓就講明唔會,「返 TVB一定唔會,如果佢哋想就一早同我傾有啲地方冇機會,我咪自己去第二度搵機會囉!」啱嘅!去第二度搏殺,好過留喺大台做路人甲乙丙!

《使徒行者》係鄧健泓最後一套大台劇,飾演黑警葉兆良,被網友激讚入型入格。(電視畫面)

大台拍劇收入少,鄧健泓要密密登台幫補。(網上圖片)

近年甚少公開支持陳志雲的鄧健泓(箭嘴),竟然在判刑當日現身,但其實兩人友情從未變。《蘋果日報》圖片

羅力威黑面踎

羅力威一向我行我素好有性格,早前在「新城勁爆躍進.創作搶先獎」獲獎後竟然黑面,又將獎座隨便放地下,雙手插袋。事後羅力威解釋自己唔舒服,「四肢好攰,知道自己最後先講感謝說話,鏡頭 pan唔到自己,所以將獎放喺地!」到 26日的新城頒獎禮,羅力威大合照時突然又「病發」,全程坐地下玩電話,咁唔合群,好難喺呢行生存喎!

成日坐低,唔通羅力威近排好攰?

早於「新城勁爆躍進.創作搶先獎」,羅力威已被指黑面發呆。

採訪、撰文:娛樂組

攝影:攝影組


鍾意就快D Share啦!