掃呢頁CODE去手機

2016年3月16日 星期三

真係神乎其技 花式足球全國冠軍:幻想好多女尖叫 [FACE - 460] __,MF,

施寶盛玩咗花式足球8年,除咗靠喺街頭表演,收入來源主要靠品牌邀請表演,有足球盛事嘅年份會更旺。爆Like王真係神乎其技 花式足球全國冠軍:幻想好多女尖叫近日網上狂share一條喺旺角拍嘅片,片中一位年青人表演花式足球,個波好似有磁石一樣,喺表演者身上碌嚟碌去都唔跌,觀眾目定口呆。呢位表演者其實係香港花式足球員施寶盛,喺香港同中國都攞過花式足球冠軍。一有時間就會喺街頭表演,遇過旺角殺街、陀地報警、同 ...


施寶盛玩咗花式足球 8年,除咗靠喺街頭表演,收入來源主要靠品牌邀請表演,有足球盛事嘅年份會更旺。

爆 Like王

真係神乎其技 花式足球全國冠軍:幻想好多女尖叫

近日網上狂 share一條喺旺角拍嘅片,片中一位年青人表演花式足球,個波好似有磁石一樣,喺表演者身上碌嚟碌去都唔跌,觀眾目定口呆。

呢位表演者其實係香港花式足球員施寶盛,喺香港同中國都攞過花式足球冠軍。一有時間就會喺街頭表演,遇過旺角殺街、陀地報警、同港豬爭執,亦去過歐洲表演,話你知兩地街頭文化嘅差異。

F:《 FACE》 施:施寶盛

F:點解會玩花式足球?

施寶盛即席表演咗幾招之餘,仲教咗一招花式足球冧女大法俾讀者,記得開 FACE Pop app睇片!

施:本身唔踢波,但中學讀張振興係足球名校,個個都踢咁我又踢。中五時有朋友組隊參賽,欠一個人,因為我讀呢間中學以為我好踢得,其實我成季只係出過兩分鐘場,佢照搵我踢,我出場冇乜掂過個波但贏咗,我好想追佢哋 level於是上網學技巧,點知發現啲玩花式足球嘅片,好震撼!好勁好有型!(係咪想學嚟冧女?)其實係,哈哈!個個男仔踢波都想型嘅!幻想好多女仔尖叫呀!好型呀咁!我就去練花式足球,練到啲隊友都叫我教佢哋,原來肯努力真係會做得到。

F:玩花式足球有咩困難之處?

街頭表演場地,施寶盛首選旺角,佢話:「舉例銅鑼灣好多陀地,雖然唔會嚟收錢,但無論你表演乜,佢都會報警,外國就冇呢啲情況。」

施:冇乜竅門,幾容易受傷,因為有啲位長期郁動,又好易過度用力或幅度太大,受傷機會比踢波仲多,我右腳韌帶撕裂、左腳都開始有,脊椎骨磨損,最傷係條頸;𠵱家開始用下護膝或腰封,但例如條腰傷,咪練其他招式囉!

F:旺角咁多大媽同騎呢表演,算唔算街頭文化?

熱心夫婦送畀施寶盛嘅相簿,貼滿佢表演時相片,非常窩心。

施:對於街頭表演,我唔主張有篩選,唔可以因為我唔鍾意就唔畀你喺度,咁係冇咗個文化。我喺街踢波,實有人唔鍾意,如果咁就唔畀人表演係講唔通。不過香港街頭文化係未形成,以英國為例,有一套潛規則,大家嚟表演要排隊,一個做完 30分鐘就到下一個,同埋好尊重大家,大家都唱歌嘅話,會讓畀對方,寧願唔做都唔想阻到人,香港就你唱歌唔得喎!我大聲啲,你又扭大聲啲,可能香港人係着重搵食多啲!而我會慢慢傾,叫觀眾圍埋啲唔好阻到人。

F:有冇遇過令你感動嘅事?

施:有次喺倫敦,有個 homeless嘅人攞住兩袋家檔,喺個袋度攞咗一個用透明袋包住嘅餅乾,分咗一半俾我,話 support我想同我 share,嗰刻好感動!另一次喺旺角表演扭親條腰,痛到坐咗喺街邊,有對夫婦行埋嚟,遞咗個文件袋俾我,講句加油就走咗,我打開睇係一本叮噹相簿,入面有好多我表演嘅相,橫跨 3個月,即係佢哋喺呢 3個月,每次見到我都用菲林相機影,曬埋相送俾我,嗰刻感動到唔記得咗痛;之後新年佢哋嚟俾利是我,終於可以同佢哋講聲多謝!佢哋話睇好你,繼續加油,衝出香港呀!真係好多謝佢哋!

施寶盛去過巴黎、英國等歐洲國家作街頭表演,覺得表演者會互相尊重,唔似香港表演者只顧住搵食。

攝影:楊學


鍾意就快D Share啦!