被指私竇做援交 Amy＠AD2兼職做樓面:飲嘢就有
2014-07-31 14:22:00
Amy行為騎呢出位，呢次就捲入援交傳聞。
AD2嘅前成員Amy（艾美琦）為求出位騎呢行為做盡，最近有雜誌報道指佢涉嫌喺私竇援交，喺一個富二代instagram嘅「揀女私相簿」，有好多女仔相，當中發現有Amy嘅相，而該instagram簡介，寫到明係香港援交少女，活躍於香港、澳門、富豪飯局等。
該報道話曾聯絡一位淫謀，大爆服務嘅價錢。該淫謀聲稱二人組合嘅時候，每個人可以收6萬、不過分開之後一個就收3萬。之前會喺中環會所飲嘢，培養下感情，1千蚊一個鐘，最少要飲3個鐘，之後可以再出街。而雜誌記者又發現Amy喺佐敦一間火鍋店兼職做樓面，問到Amy有關富二代instagram 嘅「揀女私相簿」見到佢嘅相，佢最初死撐否認，仲反問係咪被偷相。但再問佢有冇出席富豪飯局，佢就反應好大話：「錢冇收，食飯、飲嘢就有，俾錢性交易就冇。」
Amy仲講到話依家自己只想搵到真愛，但明知自己騎呢嘢做盡，都好難有男仔會接受，甚至為咗唔想患有心臟病嘅父親知道佢嘅工作而搬開住。佢要孭起全頭家開資，一家六口佢係主要經濟來源，Amy話最想達成爸爸心願買層樓一齊住。
Amy嘅玉照出現喺呢個援交instagram中，不過依家呢個a/c就已經被刪。(《忽然一週》圖片)
AD2呢期成日加入新成員又退出，唔知想點。
呢張....好正常o架啦。
Amy話想搵個好男仔喎，不過又知道冇乜男仔接受到自己。
拋胸是常識吧。
|
鍾意就快D Share啦！
|
|
|