筆名許許許（原名：許智恩）
著作：《全城厚多士》
爆 Like王
厚多士仲可以畫幾耐？
香港地要做畫家維生難過登天，最近本土就出咗個許許許（係，個名叫許許許），半年間狂畫政治漫畫，代表作係厚多士姐，結果喺 fb召集到 16,000個粉絲，亦喺今年書展有書出。
許許許原名許智欣， 24歲青春少女、中大美術系畢業生。同好多藝術家一樣，許許許識畫唔識同人交際，卻去了做《明報》娛記，面對住要生活定要藝術嘅難關，她的作品多人讚，偏偏冇廣告商敢讚。不過許許許仍然死頂：「政治漫畫唔知可以畫幾耐，可能剩番唔係好多時間。」
Q：身為娛記（正職為《明報》記者）兼係政治漫畫家，點睇班星愈嚟愈親中？
A：我明白佢哋嘅難處，始終娛樂圈𠵱家同內地接軌。佢哋好多都要返大陸工作，唔可以發表自己感受，但譚校長嗰啲，我真係唔認同，仲有陳小春……佢好似脫離香港，已經變成大陸官員一樣，訓示我哋呢啲香港人。
Q：你會幫反佔中畫畫嗎？
A：佢可以搵第二個畫囉！反佔中好清楚，佢哋有錢可以做到幾百萬人甚至超過 1千萬人簽名都得。佢哋為所欲為喇！𠵱家喺香港，我唔知道仲可以畫幾耐，但我覺得可能唔係剩番好多時間可以畫！
Q：畫政治漫畫搵到食嗎？
A：因為政治漫畫很難找到廣告或者贊助，其實真係冇乜出路。 facebook入面有啲人都畫漫畫，佢哋嘅粉絲得我一半左右，但已有品牌搵佢哋畫畫。
Q：現實你好難同人溝通？
A：覺得自己好「毒」、好似毒男一樣，好難同人打開話題。所以會同人保持距離，可能藝術家係咁啩。
Q：讀中大藝術系點解會做娛記？
A：我要搵食㗎，我有好多同學日頭教畫畫，夜晚做捧餐添！
|
鍾意就快D Share啦！
|
|
|