蔡瀾唔使人招呼，自己响貨架攞荔枝食，店員見到扮見唔到。
同你吟一吟
試食試上癮 蔡瀾吞 13粒糯米糍荔枝
上個禮拜二（七月二十二日），《壹》仔經過最多明星幫襯嘅永富生果店，見到食家蔡瀾，叫司機車佢嚟買生果。對食一向有要求，蔡生當日親自落手揀，買咗好多個要 36蚊磅嘅夏威夷木瓜，仲有一盒提子，埋單後叫司機攞番上車。
蔡生一向同永富關係良好，試過幫手推介佢哋嘅道滘粽，所以蔡生當日買完生果唔願走，企喺度同店員吹水，後來佢見到近門口位置賣緊 24蚊磅、俗稱糯米糍嘅靚荔枝，於是順手攞粒放入口。
糯米糍荔枝出名肉厚多汁核細濃甜如蜜，八珍試過，真係可以食到停唔到口，就連蔡生都抵受唔住，食完一粒又一粒，《壹》仔數過，冇多冇少， 13粒，仲因為爆汁嘅關係，蔡生食完再叫店員拖拖塊地。
一粒荔枝三把火，見蔡生當日要用柺杖行路，就算唔使錢任食，都係適可而止好。
|
鍾意就快D Share啦！
|
|
|