【短片】【一度抑鬱】Laura飲路易十三溝安眠藥 汪子琦俾馬賽死纏
2014-07-30 23:15:00
【一度抑鬱】Laura飲路易十三溝安眠藥 汪子琦俾馬賽死纏
純純兔馬賽介入汪子琦與富婆Laura「夫妻感情」，去年八月於三人行的歐遊之旅暗撻。旅程費用全由Laura俾，而且Laura亦曾指汪子琦係用兩人共有財產追求馬賽，令Laura傷透心。
今日有周刊報道，指Laura知道兩人姦情後，一度患上抑鬱症，更曾為此自殺。期間Laura全身出斑疹，經常頭痛。據報道所講，Laura當晚疑一時想不通，服了十幾粒安眠藥，再溝路易十三。幸好友人及時發現，送佢去附近醫院洗胃。
友人接受周刊訪問時表示:「當時我找到到汪子琦，她把電話關了，到第二天才找到她，她當時已經被馬賽迷得混淆了。」至於汪子琦就話，Laura自殺入院時熄電話，又係馬賽所為。
汪子琦指Laura發現馬賽介入二人嘅感情之後，隨即攤牌並打畀汪子琦：「你不回來我就死給你看。」汪子琦擔心到想即刻返屋企睇Laura，但係馬賽就話：「Laura這個大小姐不可能自殺。」仲將汪子琦部手機鎖喺櫃裏面，唔俾佢再接電話。
汪子琦話，等到第二日，馬賽俾番部電話佢，佢先發覺Laura做傻事。汪子琦心痛地謂:「我花心我賤，美色當前沒有做好，沒人性到跟自己相愛多年的女人自殺，我竟無動於衷。」佢仲話之後趕到醫院陪Laura，但馬賽不停打給佢，要汪子琦返去陪佢。Laura透過微信回應：「唔想講喇，呢排好似日日俾人揭起傷疤睇，分清楚邊個先係受害者。」
|
鍾意就快D Share啦！
|
|
|