[FACE 375] BB報到 紐約造人成功 梁詠琪有餡 2個月 梁詠琪,MF,

早前， Gigi連踩 3場擔任《 Eric Kwok作品展演唱會》的表演嘉賓，知道懷有身孕，而且未夠３個月， Gigi都份外小心，刻意穿上平底鞋上台。

真面目

BB報到　紐約造人成功　梁詠琪有餡 2個月

結婚兩年幾，一直恨同老公 Sergio生個混血 B嘅 38歲梁詠琪，今年 5月兩公婆去紐約度假時終於造人成功， BB係 made in New York呀！

據知， Gigi打算足 3個月才公開喜訊，不過在 Eric Kwok演唱會時已經見肚，又刻意穿平底鞋，在後台已經不停被追問，才開始引起懷疑。

年初拍完《香港仔》之後， Gigi已打算停工專心造人，向公司請了一個月大假， 5月同老公 Sergio去紐約度假，玩足一個月，回來即刻有好消息。

回港這一個月， Gigi甚少出街，一直在家安胎，連好友李心潔來港拍劇， Gigi都沒有出去見面。不過，人情債難推，一早答應 Eric Kwok擔任演唱會嘉賓，之後好友劉偉恆執導的《王家欣》又邀請客串， Gigi都捱義氣開工。在演唱會上， Gigi明顯肚凸凸，又刻意穿上平底鞋，一 part跳舞環節，本來 Gigi、梁漢文和 Yumiko每人要跳唱一首，不過 Gigi唱〈中意他〉時都唔敢郁動太大！梗係啦，安胎緊要呀！

11年， Gigi在西班牙認識 Sergio，半年後決定結婚，同年 10月兩人在當地舉行婚禮。

今年 5月， Gigi和老公到紐約渡假，玩足一個月兼成功造人。網上圖片

雖然身形未有太大分別，但 Gigi明顯肚凸凸，據知在後台都冇周圍行，大部分時間留喺休息房內。

送甜品報喜訊

兩星期前， Gigi紛紛向身邊好友如關心妍、葉佩雯等（圖）寄上甜品，不過就未有向外宣布喜訊。

本月 19日， Gigi低調地到坪洲為電影《王家欣》客串，據知本來 Gigi的戲份要拍兩日，但為了有更多時間休息， Gigi寧願迫埋一日拍攝。本週一，本刊先向 Gigi經理人阿詩求證，她說︰「我冇聽 Gigi講過。」之後本刊再聯絡 Gigi，她說︰「多謝關心，不過暫時未有好消息分享。」其實 Gigi得知喜訊後，已紛紛寄出剛剛在香港開店，有 300年歷史的法國皇室殿堂級甜品 Dalloyau給一班好友，低調報喜。

鍾意就快D Share啦！

下一篇 》