熱爆娛樂: 飯局爆出走真相　小龍女想見老豆 [壹週刊

2015年4月23日星期四

飯局爆出走真相　小龍女想見老豆 [壹週刊 - 1311] 小龍女,吳卓林,M1,

提到想見老豆，小龍女即尷尬不願多講。

探熱針

飯局爆出走真相　小龍女想見老豆

上月中，吳綺莉涉嫌虐待女兒卓林（小龍女）被捕，事後小龍女由醫院轉到契媽 Yvonne家暫住，母女倆分隔接近一個月，至四月初，自言所做一切只為母親能獲真正快樂的小龍女，終於願意回家。

小龍女跟母親關係由日漸有距離到最近「爆煲」，甚至反叛𠝹手發洩離家出走，原來跟她一直要求見老豆成龍被反對有關。

講條件見老豆

跟母親吳綺莉破冰後，小龍女亦恢復正常社交生活。上週，兩母女一齊出席友人生日飯局，席上小龍女跟其中一個 auntie的對話，揭開十五歲卓林多年心願。

「卓林話同媽咪搞成咁，係因為一直好想同爹哋見面，就算只係見一次，佢已經心滿意足，但 Elaine一直反對，卓林話如果媽咪答應，自己之後一定會乖乖專心讀書。其實佢一直好俾心機讀書，成績亦唔錯， Elaine早幾年已經話想搵多啲錢，將來供個女去哈佛（大學）讀，但自從搬返香港，成日接觸到老豆啲新聞，卓林就更加恨見，但 Elaine就好抗拒，兩母女成日為呢件事嘈交，卓林亦開始反叛，冇心機讀書。」吳綺莉身邊朋友說。

在契媽（左三）家開 P，小龍女終肯將心事坦白告訴長輩朋友。

21/4

對女兒恨見老豆，吳綺莉避答外，更指現階段最重要搵銀養家。

成龍日前出席新書發布會，首度開腔回應小龍女事件，並表示因自己知名度影響女兒成長而內疚。

唔開心𠝹手自殘

今年十一月才滿十六歲的小龍女，過去從未公開提及生父成龍，爆出虐女事件後，成龍主動表態「關心」，又在公開場合承認自己知名度影響女兒成長，並不排除二人日後有可能見面，只是這份關心，實在來得太遲。

「卓林個心知道媽咪錫佢，但長期冇老豆喺身邊，始終係唔完整。 Elaine亦有自己問題，回流返嚟事業唔係咁理想。又俾人話佢唔專業，所以佢壓力好大，心情差就靠飲酒麻醉自己，飲多咗情緒又失控，見到媽咪唔開心但自己又幫唔到，卓林自然會更加想起爹哋，不過佢哋根本冇機會見面傾偈，唔開心但佢咁細又諗唔到解決方法，卓林試過𠝹手。學校決定報警，都因為發現佢手腕有幾道傷痕，知道佢曾經想自殺。」知情者說。

三月底，未肯跟母親接觸前，在契媽屋企留居的小龍女，相約朋友到沙灘散心。

出走後，小龍女曾透露一直將心事跟愛貓分享，未敢告訴母親。

被虐事件後，小龍女將跟朋友仔合作的短片放上互聯網，戴面罩的她在遊樂場表現靈活身手，果然有成龍遺傳因子。

14年，吳綺莉帶小龍女回港開畫展，當日她仍堅稱女兒冇想過見老豆，思想比她成熟。

不能說真心話

週二（二十一日）早上七時，吳綺莉如常送小龍女返學，記者問卓林是否很想與爸爸見面，靠在母親身旁的她有點尷尬，一味耍手：「我唔講得㗎！」十五歲女，仍有童真。

戴住口罩的吳綺莉立即擋駕，搶住回應：「我淨係想返工，你睇到我有好多人要養。」開車送女兒到大埔火車站後，吳綺莉便向九龍方向駛去。

九九年誕下小龍女後，吳綺莉移居上海，生活上一直有做生意的吳母支持，及至數年前傳出吳母精神出了問題，吳綺莉便將上海自住物業套現，並以五百多萬購入大埔汀角路一幢三層樓村屋，帶小龍女回流香港。

返港後，吳綺莉在大台拍劇、做主持，但反應一般，亦幫過商台做客席 DJ，但工作量不穩，加上要獨力養女，最終壓力爆煲，要睇心理醫生上輔導班。