5億駙馬繼續慳 黎諾懿同老婆食平壽司 [壹週刊 - 1311] 黎諾懿,M1,

雖然是○七年落選港姐，但李潔瑩樣子清秀，同老公黎諾懿好有夫妻相。

探熱針

5億駙馬繼續慳　黎諾懿同老婆食平壽司

黎諾懿去年十一月十一日同家族經營美容生意的○七年落選港姐李潔瑩結婚後，即被封「五億駙馬」，但在大台捱足十年的他，堅持靠自己，繼續租住大埔仔村屋，生活質素無大改變。上週三（四月十五日），黎諾懿孖住老婆到將軍澳厚德邨商場排隊食平民壽司，李潔瑩全程幸福冧爆！

唔再係大小姐

因為老婆娘家有錢，被標籤了的黎諾懿卻我行我素，婚後生活依舊簡單，更難得是身邊人根本不

介意。

「其實 Nicole（李潔瑩）屋企人同諾懿關係唔錯，佢外父提議過兩公婆搬去君頤峰一齊住，但諾懿堅持住番喺大埔仔間屋，婚後只係換過啲傢俬，因為清水灣方便返 TVB開工，所以佢外父都覺得有道理。」黎諾懿身邊人說。

已經攞咗牌做黎太的李潔瑩雖然從不愁兩餐，但和黎諾懿拍拖三年，早已接受身邊人的生活模式，更不時親自去街市買餸，下廚

煮飯。

「諾懿係個乜嘢人， Nicole好了解，佢選擇同對方過一世，就唔會當自己係千金小姐，以前可能杯都唔洗一隻，但而家佢會煮嘢俾老公食，亦唔介意住幾百呎村屋。」李潔瑩密友說。

等位期間，兩公婆一齊篤電話，好甜蜜。

到屋邨商場開餐撐枱腳，最緊要黎太唔介意。

食完平民餐，二人到做緊大減價的日本城睇平價家品。

排隊十五分鐘

上週三（四月十五日）晚上八時，在電視城拍《愛•回家》的黎諾懿收廠後即會合老婆，到將軍澳厚德邨商場開餐食壽司，晚飯黃金時間，餐廳外企滿輪位的食客，兩公婆玩住電話等了十五分鐘才入座。

吃了差不多一個小時，離開路經「日本城」家品店，入去行了一圈，但未有收穫，之後攞車返大埔仔。

因為要拍劇，結婚也只請了三天假的黎諾懿七月底《愛•回家》冚旗後，便會陪老婆到澳洲旅行補度蜜月。做事分輕重，黎諾懿夠腳踏實地，恭喜李潔瑩！

早前出售的元朗村屋，是老婆兩年前購入。

《愛•回家》播足三年，今年七月底正式播完，黎諾懿請定假陪老婆旅行。

黎諾懿強調，結婚開支由他一力承擔。

太子女

黎諾懿揸外父名下的 Bentley接新娘。

去年光棍節（ 11月 11日），黎諾懿在陽明山莊筵開 24席迎娶美容王國太子女李潔瑩，除了借用外父名下 200多萬的 Bentley開篷跑車接新娘，其他開銷，新郎堅持自己嚟，但老婆外家有米，黎諾懿被賜封「五億駙馬」，女尊男卑。 07年參加港姐落選後，李潔瑩選擇到父母經營的美容公司任職總經理，打理旗下十八間儷凝美聚纖體美容中心生意；女方家底豐厚，家住 3,000萬的君頤峰，其父李志強擁有 21間私人公司外，亦持有多個物業及鋪位，近年更投資買賣商業用地，保守估計，家族資產超過 5億。

鍾意就快D Share啦！

下一篇 》