熱爆娛樂: 打到嚟　 Sammi管食陪操　許安速燒 12磅 [壹週刊

2015年4月23日星期四

打到嚟　 Sammi管食陪操　許安速燒 12磅 [壹週刊 - 1311] Sammi,許冠傑,Sam,鄭秀文,M1,

探熱針

打到嚟　 Sammi管食陪操　許安速燒 12磅

去年底， Sammi開個唱，許志安貼身陪操；今個月尾，到許安紅館開騷， Sammi亦照辦煮碗，做「跟操夫人」，日日陪老公跑步、健身、排舞八粒鐘，返工咁返！上週，許安如常現身九龍城排舞室練舞， Sammi亦有到場，貼身為開騷進入倒數階段的許安加油。

連體俾意見

最近一而再直接間接地承認已攞牌做「許太」的 Sammi，名正言順做貼身膏藥。許安開騷在即，日日閉門加操備戰，上星期，他如常返到九龍城排舞室，十分鐘後，零妝的 Sammi，亦在助手陪同下，前後腳到。

據知，人釘人陪操的 Sammi在排舞室不時用手機拍下排練情況，兩公婆又一齊睇 playback， Sammi亦會提出意見。

「其實呢段時間 Sammi自己都要彩排巡迴演唱會，但佢同安仔係用同一個排舞師，雖然係分開兩個時段排，不過 Sammi好多時都會提早到，睇吓老公排成點，俾吓意見。」知情者說。 Sammi緊張，但安仔就有所保留，不讓她了解個唱 rundown希望給對方驚喜。

老婆陪操，心情大靚嘅許安高舉勝利手勢。

「跟操夫人」 Sammi現身排舞室為老公打氣，離開時二人刻意前後腳。

早前許愿在微博爆二人已婚，事後 Sammi打蛇隨棍上，首次承認：「可以叫我許太了！」

食乜老婆話事

除咗排舞，自認「減肥達人」的 Sammi，更日日陪住老公跑步、健身，又親度營養餐單，落手落腳買餸下廚。許安在老婆的鞭策下，三星期已成功減磅，更操出六嚿朱古力肌。

「安仔嘅餐單由 Sammi一手包辦，餐餐蒸魚、烚菜、烚肉，加埋大量蛋白；每朝先跟 personal trainer操三粒鐘，之後兩公婆再去跑步，跟住排舞四個鐘。安仔三星期已經減咗十二磅，一格格腹肌出晒嚟，條腰唔夠三十吋，但佢仲係覺得未達標，睇落好似瘦咗啲唔夠大隻，所以要谷埋個胸，要加碼舉埋廿磅啞鈴。」許志安身邊人說。