吳綺莉再次出事，今次佢唔單只同個女嘈，仲直情鬧到上學校！
今日夜晚見到吳綺莉同學校嘅老師仲有社工一齊喺學校行出嚟，見到吳綺莉黑黑哋面，表情有啲不屑咁，喺停車場度仲見到佢對住個外籍校長大吵大鬧，原來佢今日已經喺學校嘈完一大輪。
其實佢日前已經同個女卓林喺大尾督條街度嘈起上嚟，原因係佢覺得學校之前話要報警，呢個做法令佢捐失慘重，要求學校道歉，但卓林就唔想佢咁做，兩母女又再嘈起上嚟。
點知今日吳綺莉真係衝咗上門要學校講對唔住，現場仲見到一班佢相熟嘅傳媒，一齊睇佢上演呢場鬧劇，其實咁樣嘈咪只會令卓林仲難受！
