Mandy攞住 4月 7日英國《泰晤士報》，自拍「細」肚相，腹部只係輕微凸起，仲保持到腹肌同人魚線，同以前做 model時，身材分別不大。
娛頭
獨家圖片 洗米華禁 B跟母姓 Mandy Lieu大肚照操
自從懷有「華種」後， Mandy Lieu一直保持低調，行蹤亦十分隱秘，只是間中被發現同男友周焯華（洗米華）出埠拍拖，過二人世界。最近本刊得到一批從未曝光的照片，相中的 Mandy和周焯華當時正身處外國一間餐廳，情到濃時，二人多次連環激嘴，旁若無人。
而一直被指假大肚的 Mandy，上星期就有人分別將她做出高難度垂直一字馬動作，著住運動 bra top清楚見到露肚相片，貼在社交網站 Instagram內；而其中一張相， Mandy手持一份四月七日的英國《泰晤士報》，以盛傳已懷有七個月的日子來計算， Mandy個肚的確偏細。
而一直被指假大肚的 Mandy，上星期就有人分別將她做出高難度垂直一字馬動作，著住運動 bra top清楚見到露肚相片，貼在社交網站 Instagram內；而其中一張相， Mandy手持一份四月七日的英國《泰晤士報》，以盛傳已懷有七個月的日子來計算， Mandy個肚的確偏細。
貼身保護
為免 Mandy Lieu再次受到任何不必要的騷擾，周焯華刻意安排女友入住保安嚴密的中環四季酒店安胎，又經常親自陪伴保護，見大肚婆唔出街，終日鬱住酒店，所以周焯華就算再忙，亦會抽時間帶 Mandy出埠，離開香港是非地。繼今年二月初，本刊成功捕獲 Mandy和男友共遊曼谷後，本刊最近得到一批照片，相中 Mandy與周焯華同身處外國一間餐廳。二人默契地著住黑色情侶裝，而餐廳內的食客全部是外國人，兩人並排一齊坐，含情脈脈互望，周焯華進一步行動，錫了 Mandy面珠一啖，情到濃時，忘我到無理會附近有其他人。
之後轉到第二個場景，在一個較暗的角落，周焯華和 Mandy四目交投，其中一張相只見男方珍而重之地用雙手輕輕摸住女友塊面，而 Mandy則流露出一副享受表情。最後一張戲肉，周焯華攬實 Mandy，嘴對嘴肉緊狂啜，火辣恩愛到爆晒燈。
據了解，這批已在周焯華的朋友圈中被瘋傳的甜蜜照，應該是今年三月份拍攝，而地點是法國巴黎。
親熱相瘋傳
「呢批相大約係一個月前嘅事，華哥啲 friend喺 WhatsApp瘋傳，好似話係佢啲 friend玩嘅時候偷影，之後放咗喺朋友群組，華哥自己都有收到呢啲相，啲人仲講笑問佢使唔使咁 sweet呀，十足初戀咁！」周焯華身邊人說。鬼妹 Mandy百無禁忌，有咗都四圍飛，甚至 keep住健身操肌。上星期，有兩名外國人（兩人的 ig都有關注 Mandy ig戶口），分別在社交網站 Instagram（ ig）發放了兩張 Mandy的近照，更標註了她的個人 ig戶口，但 post相唔夠廿四小時，兩張相就被刪除。
相中可以見到完全冇化妝的 Mandy，該是做完運動後著住黑色運動型 bra top玩自拍，當時她手上還攞住一份英國報紙《 The Times》，日期是二○一五年四月七日，相信是用來記錄大肚情況，身形超瘦削的 Mandy，腹中雖有凸起，但原有的腹肌和人魚線，依然保留，完全不似佗住七個月 BB。
另一張相更激！身處健身房的 Mandy在一個專為做伸展運動 Pilates而設的器械上，做了近乎垂直的一字馬動作，對有芭蕾舞底和做開瑜伽的她來說，絕對無難度，但以大肚婆來計，做出如此高危動作，未免太「牙煙」。
唔俾跟阿媽姓
據知， Mandy打算 BB將來跟她姓劉（ Mandy的中文名叫劉碧麗），但卻遭周焯華強烈反對，堅持一定要 BB姓周。「 Mandy由頭到尾都冇諗過要爭啲乜，覺得只要兩個人係真心相愛喺埋一齊，其他嘢都唔重要，所以佢有同周生提過， BB出世跟自己姓劉，等男友容易交代，唔使咁難做！但周生死都唔俾，話佢同 Mandy生嘅 BB，呢個事實係唔會變，到時一定會俾 BB名分，要光明正大，做周焯華個 BB！」知情者說。
單拖晒肚
周焯華對 Mandy Lieu認真，另一邊廂的正印陳慧玲亦表現進取，繼續單拖晒肚！上星期，她在 facebook上載了多張著泳衣曬太陽相，又專登搵專業攝影師影巨肚寫真。不過，在洗米嫂影大肚寫真當日（四月十八日），周焯華和 Mandy已經雙雙出發飛東京；星期日（十九日）早上，有人發現二人現身涉谷的 Mark City拍拖，周焯華更細心地攞食物服侍 Mandy，而據目擊者稱，貪靚的 Mandy當時著住四吋高踭鞋，用絲巾遮肚，但面部有點腫。
器械 Pilates
懷孕期間，孕婦脊椎及雙腳都會因胎兒的重量而受到極大壓力，令血液循環受阻，而產前的伸展運動有助孕婦分娩。據 J Season Dance& Fitness薛導師表示， Pilates（普拉提）同瑜伽相近，只是訓練內容及模式有少少分別，瑜伽着重柔軟度及關節訓練，而 Pilates則集中軀幹和脊椎訓練。Pilates主要分墊上訓練及器械床訓練，導師建議墊上訓練比較適合孕婦，因為可以自己控制身體力量，比較安全；而器械床難度較高，要有一定的基礎及導師從旁指導。 Pilates可以訓練孕婦的呼吸外，亦可放鬆腹部及盆骨受壓的肌肉，控制脊椎的穩定，讓孕婦有結實及優美的線條。
而根據家庭醫生關嘉美表示，在醫生確定胎兒狀況穩定的情況下，瑜伽練習可以幫助孕婦血液循環、紓緩水腫、抽筋等，大大減輕分娩時帶來的不適，同時亦可紓緩孕婦情緒，令心情愉快，但瑜伽動作要因人而異，必須由瑜伽導師設計適合的動作，不可過量過勞，否則運動的好處會變成害處，導致孕婦受傷。
大細超
29歲的 Mandy Lieu，與人夫周焯華撻着後，不時與正印陳慧玲隔空過招，對住大婆，夾在中間的周焯華表現冷淡，相反，對 Mandy就呵護備至，好大細超。
曼谷冷待
去年 12月，周焯華舉家到曼谷過聖誕，兩公婆全程分車坐冇交流，周焯華甚至對住大肚老婆扯煙。事隔兩個月，拖住 Mandy重遊舊地並入住同一間酒店，但出入二人同車，又十指緊扣攬實行，連食煙都擰轉面，以免 Mandy食二手煙。
去年 12月，周焯華舉家到曼谷過聖誕，兩公婆全程分車坐冇交流，周焯華甚至對住大肚老婆扯煙。事隔兩個月，拖住 Mandy重遊舊地並入住同一間酒店，但出入二人同車，又十指緊扣攬實行，連食煙都擰轉面，以免 Mandy食二手煙。
|
鍾意就快D Share啦！
|
|
|