網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月13日 星期三

日煲 12粒鐘  90後《星海》機王:電競唔係打機咁簡單! [FACE - 416 - 大專校園] MF,



• Patrick每朝 10點就會起身「操機」,但因長期對電腦太多,所以起身對眼會又乾又澀。

Main Camp

日煲 12粒鐘  90後《星海》機王:電競唔係打機咁簡單!

唔少男人沉迷打機,無論 RPG、即時戰略、第一身射擊定模擬育成,梗有一款啱口味。

不過估唔到喺打機風氣普及嘅香港,要成為職業電子競技選手,竟然同香港運動員一樣,少啲毅力都唔得㗎!現讀加拿大國際商務網上遙距課程高級文憑 Yr.2嘅何文瀚( Patrick),原本在加拿大修讀大專,但為咗一圓做電競手嘅夢想,毅然停學一年,返香港發展。可惜電競喺香港冇人支持,行業發展又唔發達,結果日日匿喺屋企苦練,不過仍無損佢嘅夢想:「電競唔只係打機咁簡單!」

•因月入只得 5、 6千蚊,所以 Patrick好多時都只係食麥記或者外賣附近茶記,仲會一路食一路爭取時間睇打機教學。

20歲 Patrick係即時戰略遊戲《星海爭霸 2》玩家, 12歲已開始,一打打足八年,現時在公認全球約 3萬多名精英雲集嘅韓國伺服器排 180名,他解說:「港台澳伺服器的對手已經滿足唔到我,所以同最高級嘅韓仔對打!」

喺香港冇人認同

家中裝備齊全

雖然唔似職業電競手有教練特訓,但裝備 Patrick一樣咁講究,好似濾藍光鏡、機械鍵盤、電競用滑鼠等,樣樣齊備。

Patrick可以說係本地《星海》一哥,但呢個成績對 Patrick成為職業電競手冇帶嚟幫助:「上年《星海》台港澳區選拔賽成 3萬人參加,我係唯一一名港人入到 8強去台灣爭冠軍,點知台灣話估唔到有咁高水平嘅香港玩家入 8強,所以根本冇預算包我機票同酒店,賽會負責人話『一係放棄比賽資格,一係自費參加』。我當時真係嬲到上心口。」好彩 Patrick一年前返香港去過本地電競公司 HKEsports做實習,之後直接搵該公司老闆鍾培生資助,「我嗰時都係諗住搏一搏,提議用 HKEsports名義去參戰,點知鍾生一口答應包我所有使費,我先可以成功去參賽。」

好多人覺得,電競說穿了便是打機,浪費時間,不過仍吹唔熄 Patrick團火:「其實電競一早已經風行全世界,喺內地更加被納入為第 99項體育項目,頂級電競手每月可以搵 3、 4百萬人仔。中、台、韓、歐美嘅電競手全部都有職業戰隊,日日包食宿軍訓式操成 12粒鐘,辛苦過唔少行業多多聲,背後又有教練團、戰術分析師教路,仲有心理學家、物理治療師協助隊員提升表現,講專業更加唔會輸蝕俾其他行業,絕對有前途。」

不過喺香港,電競根本冇人認同:「喺香港冇包食宿都算,連教練都冇,個個都只可留喺屋企死煲爛煲,衰過玩體育。我算好彩,有電玩平台畀 4至 6千蚊請我教人打《星海》,勉強支持到生活開支,如果唔係真係零收入。」

讀書冇人生目標

• Patrick話起繭勞損呢啲小兒科,有啲外國職業選手,年紀輕輕已經練到關節炎。

Patrick靠教打機幾千蚊過活,畀埋家用,每個月超緊絀,「平時慳得就慳,多數麥記,又快又平,爭取時間回家練習,買衫買鞋都好少,況且本身練習已經花好多時間,所以都好少約朋友出街。」

Patrick一年前停學回港,立志投身電競手已經作出最壞打算:「喺多倫多留學 2年,以前都算鍾意讀書,但成績只屬中等,覺得冇乜人生目標,自從認識電競先發覺自己興趣,所以想趁後生試一試。其實𠵱家前景仲係好迷茫,未有戰隊邀請我做電競手,但已經比我想像中好,起碼自己照顧到自己。自己目標諗住操到 30歲,有戰隊邀請我加入做全職!」

電競評述員搵到錢

雖然香港做電競手暫時未有出路,不過電競評述員卻大有可為,尤以評述時下最受歡迎的《英雄聯盟》最吃香,就讀屯門 IVE機械工程 Yr.2嘅何狄麟(何秋)和恒生管理學院商務翻譯 Yr.1嘅黎同博( Brian),不約而同由玩家轉做粵語評述員,因為佢哋都覺得評述員前景較好:「電競手入行難兼競爭激烈,相反香港粵語評述員唔多,行內得 2、 30人, HKEsports仲要獨家代理《英雄聯盟》嘅直播粵語評述,唔驚冇工開!」

喺香港做電競手仲慘過做運動員,所以佢哋大多以轉戰台灣、內地集訓為目標。

電競評述員算係新興行業,全行得 2、 30人,不過要入行,除咗要好熟遊戲資料,比賽時千鈞一發,我諗評述要快過林芷彤至得。

HKEsports總裁 鍾培生

自己本身讀書時期已經好鍾意電競,所以想成立一間電競公司幫一啲有意成為電競手嘅年輕人圓夢,奈何電競呢行喺香港仲係起步階段,公司逼於無奈將訓練基地放在台灣,隊員都是當地人。

打機拍片仲好執

本地職業電競手收入坎坷,但無聊亂玩一通嘅打機片,卻大有市場,唔少 webber都爭住拍放上 YouTube,以 10,000點擊收 70蚊(連廣告),真係執到笑!

大 J( Jason)

網上圖片

02年開始在日本留學 4年,所以拍日文打機片完全冇難度,手遊《怪物彈珠》及《海賊無雙》系列最為網民愛戴,淨拍片每月都幾萬蚊。

笑波子(李煒樂)

網上圖片

YouTube年資達 8年,讀緊 THEi土木工程 Yr.3,是現時最受歡迎嘅學生哥 YouTuber之一,除打機片,好多品牌都搵佢拍短片密密接 job。

達哥(林慧韡)

《蘋果日報》圖片

其聲線似劉以達而被網民命名,現為 Ever App副總裁,出名打機成日失手引致笑料百出,更因似藝人蔡思貝而出唔少活動吸金。

鍾意就快D Share啦!