只得 21歲的 Dawn，最近加入 FAITH成為新成員，擅於跳舞及唱歌的 Dawn一早操到一副好身材，所以加入 FAITH之前，曾做裸模影床照。
網上圖片
真面目
hehe 基網瘋傳床照 FAITH新仔做祼模
去年在香港堀起的 MK-pop，除龍頭大佬天堂鳥跑出外，另一隊 FAITH亦跟得好貼追住上。不過最近 FAITH由原本的三人男子組合驚變四人組，其中一員 Wave慘被踢走離隊，最近加入兩位新成員鄧鈞耀（ Dawn）及楊珀麟（ River）。
FAITH新仔 Dawn，前名叫 Edmond的他， 3年前曾參加過《 FACE》的 UStar校花校草選舉，雖然落敗，但好多人認得佢，最近在同志網內就瘋傳 Dawn的裸模照，相中 Dawn只着住三角底褲自摸又瞓床，基味好濃喎！
去年香港流行起 MK-pop熱潮，繼天堂鳥之後，由 3位 90後組成的 FAITH追住上，上年一首〈 MaMa Easy〉點擊率高達 140萬次，兩方勢力撐到行。不過 FAITH由去年 3月出道至今僅一年多，竟出現人事大變動，上週舊將蔡子軒（ Wave）被踢走，隨之換上兩名新血，包括鄧鈞耀（ Dawn）及楊珀麟（ River）頂上，由原本 3人組合變身 4人男團。
瞓床騷肌
不過 FAITH上週先公告加入新血，新成員 Dawn即被起底外，最近更成為同志網紅人，事關他曾為影裸體相的攝影師拍下不少瞓床肌照，竟在同志網瘋傳。
相中只見身穿三角內褲的 Dawn，躺在床上擺出誘人姿勢，而其他照片，亦只見 Dawn赤裸上身只穿三角泳褲及超短波褲，雖然身高只得 169cm唔算高大威，但總算練出一身鋼條肌肉身型。估唔到外貌陽光又健康的 Dawn，做起裸模可以咁 open，有傳仍有更徹底的全裸相未曝光。
「唔乖冇得留低！」
《 FACE》本週一（ 11日）曾致電 Dawn本人，但他聽到「床照」兩字，即騰雞到口窒窒：「係啦，係啦，都喺嗰句，你搵我經理人，佢哋會答你。我唔方便講太多，唔好意思。」之後《 FACE》再找 Dawn經理人 Percy Wong回應，他起初亦力撐 Dawn：「其實啲相好似喺街上大廈掛嗰啲海報咁。」
當告知他有傳 Dawn仍有更激裸照未流出時， Percy即變得嚴肅：「我真係要同佢溝通一下，如果佢真係曳嘅話，唔乖嘅人係冇得留低。」咁 Dawn以後真係要醒醒定定。
Wave被飛冇通知
FAITH大換血，但上年做開荒牛打江山的成員蔡子軒（ Wave），日前突然在 ig自爆，要粉絲留言才知被踢走。被飛都冇知會，之後 FAITH方面先在 fb出聲明，指 Wave私務繁多，無時間兼顧 FAITH工作，搞到出唱片計劃延誤，所以先加入楊珀麟（ River）及鄧鈞耀（ Dawn）頂上。
|
鍾意就快D Share啦！
|
|
|