楊千嬅大爆同老公房事 瞓前一定會做一件事....
2015-05-12 19:19:00
(攝影：陳順禎)
今日楊千嬅、何超儀、何超蕸、上山詩鈉同前新聞主播周嘉儀，出席黎芷珊自家太陽眼鏡品牌嘅發佈會，問到千嬅有冇興趣成立個人品牌，佢就話：「自己已經係個人品牌，用好多精力做唔同演出，個仔（Torres）已經係經營緊嘅生意，不求回報，只想佢健康。近日囝囝發燒，搞到我夜晚瞓唔到，老公（丁子高）頂我唔順，問應該係咪我要去睇醫生，家庭就係我一生經營嘅生意。」
早前千嬅拍完電影《五個小孩的校長》之後，表示有意同老公一齊修讀有關幼兒課程，千嬅仲大爆老公嘅房事：「佢近日玩運動同上佛學，上完佛學會返到屋企，會喺臨瞓前同我上一課講佛偈，之後佢自己就瞓覺，我就入晒腦諗。我同佢講千祈唔好咁快化，好囉嗦，我一忟佢就叫我放下，成日放，放乜啫？但我唔會話佢，因為做楊小姐同丁太係兩個語氣。個仔就真係細個唔識，聽完爸爸講，『哦……』咁就行咗去，但我成40歲人，學個仔咁樣人哋會以為我有事，叫我食藥。」
千嬅話老公丁子高最後瞓前會同佢講佛偈。
千嬅表示有意同老公一齊修讀有關幼兒課程。
丁子高最近去上佛學課程
芷珊姐姐好性感喎!
|
鍾意就快D Share啦！
|
|
|