8/5
周五（ 8日）晚已經扮靚靚出席香薰活動。散完心，齊昕心廣體胖咗好多，連雙下巴都現埋。
封面
歐遊停藥肥晒 𡃁模奀星經理人爭奪齊昕
俾唔俾人唞下啫？清靜咗冇耐，離家出走嘅香港女兒齊昕又返歸！
浪跡歐遊兩個月，齊昕停藥搞到肥咗又靚咗（好似係），靚呢家嘢你可以話見仁見智，不過明眼人都睇得出，齊昕父親口中嗰個「病了」嘅女，開朗咗就真嘅！
社交網路雖然粗口同以前一樣多，但齊昕家下開口埋口話「被愛包圍」、郁啲又感激身邊人，邊個包圍佢？之唔係近月黐到實一實嘅模經理人 Carman同奀星經理人 Kitty媽囉。
嗰頭話 unlike娛圈人、唔只一次背叛佢，呢頭又攬頭攬頸推心置腹，點解齊昕磁石專吸奀星經理人？不如問下有邊位奀星唔想黐住齊昕上 C1？
離港兩個月，上週三（ 6日）齊昕失驚無神喺香港機場打咭，話要告別流浪者生涯。宣告回歸僅僅兩日，週五（ 8日）晚中環嘅香薰品牌活動，就見到齊昕 BB打扮得鬼火咁靚走出嚟。一樣咁喪、一樣爆粗，不過齊昕今次唔同在，再唔係獨家村，全程有女傍到實。
脹爆回歸
兩個月前至危企露台、玩到喺禮賓府報警 call白車，據悉搞到齊昕落晒型，狼英父母固然有責，發明星夢不成反被奀星借過橋才打擊最重。
兩個月來遠離父母同傳媒、去下 P睇下騷，仲見過口中天字第一號偶像碧咸嫂，據知情人士透露，除咗散心，齊昕離港歐遊流浪目的，是需要時間沉澱整理思緒，而歐遊期間更一度停藥，所以先成個肥晒返港。其實去年底開始一心闖娛圈，見過一次咁大把，就被公布會爆粗着三點式拍處女電影，已經一肚氣被人利用；現身李逸朗演唱會，疑似有人為求綽頭，為求上報日夜追魂 call確保齊昕到場。
再三俾人借過橋，齊昕最失望之際同?模向殷（即有翻版高 Ling之稱、拍過微電影《我的女神 Miss》的?模）經理人 Carman一拍即合，回歸首個品牌活動身邊傍住的，正係呢位新晉閨蜜。
斟拍 MV
成功黐身， Carman成為上週末在齊昕社交網絡曝光最密新面孔，連帶旗下藝人 Q「翻版高 Ling」向殷和過氣歌手麥貝夷都有得見報，見效快回報高，所以亦都唔只一個奀星經理人吼住齊昕。
原來李逸朗前經理人 Kitty媽雖然同 Don反面，不過旗下仲有當年唱歌不成轉行賣過 pizza、近日又復出嘅梁雨恩。有人雖然明嬲李逸朗，但出走兩個月一直與 Kitty媽保持聯絡，關係繼續友好。有見齊昕行為癲喪，一舉手一投足都上硬娛頭、保證做網民熱話， Kitty媽正積極遊說齊昕出演梁雨恩最新 MV做女主角。
「當朋友咁去幫佢！」
又話俾人背叛得多、又鬧「賤格到冇得再賤格嘅人自然會有佢哋嘅下場」，網民以為佢鬧緊狼英父母？其實係娛圈人就真。
不過鬧完轉頭又攬住 Carman見報，仲心郁郁要做梁雨恩 MV女主角，之唔係有人又傻又天真，明星夢未碎，聽聞 Kitty媽實牙實齒話會拍得佢靚囉！
本刊週一致電 Kitty媽，得到嘅回應係：「有構思過，但諗過唔係有個好靚嘅位俾佢，請得梁齊昕，要拍得佢好靚好靚，所以我哋已經冇考慮喇！睇下有冇第二首歌夾唔夾到。」至於𡃁模經理人 Carman一樣否認：「我同佢一齊傾扮靚嘅嘢多，我唔覺得佢想入娛樂圈喎！其實佢應該做名人、發展自己品牌，好似碧咸嫂咁，有需要我都會當朋友一樣去幫佢！」
好家教是咁的
可能齊昕由細喺外國長大，鬼妹性格啦，對住鏡頭講 Fxxk off其實好平常，呢兩年香港人都慣咗齊昕開心爆粗、唔開心又爆粗。係囉，點解香港特首嘅女喺外國大呢？管一個家一個女都管到咁，管晒全香港……你話呢？
碼頭 2：做林建名契女
同何傲兒、戴夢夢一樣，同林建名上埋契再簽埋經理人合約， 78歲林伯唔怕契女癲同喪，只要唔好唔聽佢電話、搞到佢喊就得喇！
|
鍾意就快D Share啦！
|
|
|