掃呢頁CODE去手機

2015年6月22日 星期一

吳尊首曝光囝囝正面 楊子疑晒與黃聖依兒子合照 黃聖依,吳尊,



【父親節】吳尊首曝光囝囝正面 楊子疑晒與黃聖依兒子合照

2015-06-21 23:20:00



今日係父親節,好多平日好保護自己仔女嘅老竇級藝人,都襯呢個機會,曝光自己可愛嘅下一代。

靚仔嘅吳尊,早年都已經將自己嘅得意囡囡帶出嚟見人,唯有囝囝Max佢一直都好保護,不過今日襯住父親節,佢喺官網就貼出同女兒吳欣怡(NeiNei)同阿仔Max嘅合照,Max就戴住黑超,見到正面但依然未見全相,不過都見到佢皮膚好白十分得意,吳尊話:「今天就讓我當你們的爸爸有你們這麼乖的小孩,真的也很幸福」。

而一直背住第三者之名,原來係隱婚8年嘅黃聖依,早前就默認早為楊子生下一子,楊子今日父親節就喺朋友圈放咗一堆相,當中有佢同前妻陶虹所生嘅女兒,佢個大女已經好大個,兩個人合照,似兄妹多過父女,而另一張,就係楊子抱住一個瞓緊覺嘅小男孩嘅相,配文係寫:「父愛如山,祝天下的父親父親節快樂,也祝天上的親們父親節快樂。」令人聯想到呢個好可能就係佢同黃聖依所生嘅囝囝。



吳尊同一對仔女合照 (吳尊官網圖片)



仲同囡囡玩錫錫 (吳尊官網圖片)



楊子手抱嘅小朋友,好可愛係同黃聖依所生嘅囝囝。 (網上圖片)

鍾意就快D Share啦!