2015年6月22日星期一

醫生建議切除子宮張家瑩：我好多嘢未做張家瑩,

【短片】【子宮病變】醫生建議切除子宮張家瑩：我好多嘢未做

2015-06-21 23:16:00

其他影片：>>

張家瑩子宮病變：我好多嘢未做

於2007年奪得亞姐冠軍的張家瑩（Grace），與亞視的合約至年底才約滿，由於亞視現時暫停製作節目，她亦趁空飛到美國與父母一起出席弟弟的大學畢業禮，張家瑩還把開心家庭照放上facebook與好友分享。

不過開心背後，張家瑩早前接受訪問時透露數月前發現患上子宮頸細胞病變，讓今年31歲的她哭成淚人：「本來接咗拍杜Sir（杜琪峯）一部新戲，但入劇組前發現身體有啲唔舒服，檢查之下發現患上子宮頸細胞病變，好彩發現得早，醫生話我嘅指數挨近cancer（子宮頸癌），當時真係好驚，覺得自己將來每行一步都唔知為咗乜。」

張家瑩透露有醫生曾建議她將整個子宮切除，杜絕將來患癌機會，但被她否決，她解釋：「我仲咁後生，好多嘢都未做，仲有諗住將來要結婚生BB。好彩經朋友介紹下，遇到一個較好醫生，佢建議我做一個小手術，將啲唔好嘢拎出嚟，再化驗夾走咗嗰部份，原來比想像中高一級。」張家瑩直言起初不敢告知家人，只默默地獨個兒承受，問可有找男友安慰？她笑說﹕「我都希望快啲搵到，呢個時候女仔真係需要有另一半喺身邊分擔，咁會冇咁緊張。我以前冇定期做檢查，但我真係好想呼籲大家，呢種病對現代女性好常見，唔理就好大件事，我家都要每半年做一次身體檢查。」

(攝影：沈健程)