猜心羅生門
遲早飛起你？
Iris(閒聊)：好想去旅行，但機票價格五時花六時變，買貴咗就呻笨喇。
Arke(笑)：其實不外是 early bird和鬥耐性等最尾日子撿便宜「海底撈月」──一係鬥早一係鬥遲，都較廉宜；依一般人訂購的時間慣性，人同此心，便不免要捱貴價了。
Iris：嗯，所以我傾向快人一步。
Arke：我倒喜歡遲。
Iris：為什麼呢？早早確定放假日期，可以預先安排好工作，是打工仔的道德。
Arke：姐姐你對；但我即使臨急放假，在外地會讓同事隨時搵到我，甚至將工作帶在身邊，也是負責任的表現啊！反而有些人一早昭告天下，動不動便說：「我三個月後去旅行，現在這些那些要由你 follow了。」乘機卸膊，仲討厭。
Iris：我唔會咁；不過，有時約埋朋友去旅行，難得相就到時間，買定機票，彼此都安心些。
Arke：友情很可貴，但在 fb之類走漏了消息，惹來其他你不想同行的人提出一齊去，要推也推不來呢。志同道合的朋友，爽爽快快，總能成行的。
Iris：我喜歡按計劃行事，有大把時間睇定參考書、安排行程，預先神遊一番，是一種享受，所謂未出發先興奮嘛。
Arke(反駁)：例如我本想飛澳洲，臨尾發現飛紐西蘭仲抵，又何樂而不為呢？誇張的說法是，迷路方為旅途的開始，連自己都預計不到，這種驚喜和興奮更大。
Iris：比來比去， early bird和 last minute deals的優勢，大概打成平手吧？
Arke：才不是呢，只要不限死於某一天或某航班，愈遲出手的折扣必定愈大，你懂的。再者，說走就走，同事會羨慕你的瀟灑。
Iris：妹妹你有道理。
Arke：旅行是大家愛討論的共通話題，如果飛得型，會像頭頂添上光環似的。
Iris：怎樣增加光環呢？
Arke(感興趣)：還有就是「長話短說」和「短話長說」。例如你四日內來回美國，拆穿了是受機票和假期所限制，但朋輩可能覺得你很型；同理，你告訴人去澳門玩十日，也很與別不同，一係是大豪客，夠錢賭足咁多日，一係直頭賭神，戰無不勝──講笑啫，是他們認為你真正能做到深度漫遊、領略風土人情，會對你另眼相看。
作者介紹
Iris和 Arke是希臘神話裡一對孿生姊妹，托生今世成為本欄主持人，為大家解決情場和職場種種難辨錯對的羅生門事件。
Iris：善良正直的 OL，擅長心理測驗和分析。
Arke：敢愛敢恨的辣妹，擅長星座占卦。
插圖：劉志誠
nextplus.nextmedia.com
|
鍾意就快D Share啦！
|
|
|
