全城熱爆的娛樂八封新聞 & 時事趣聞 & 生活 + 趣聞
任晴佳唔只生得靚女，十歲人仔已經到爹哋媽咪膊頭，高妹一名。
格言係 work hard play hard嘅任達華，掛住做嘢同玩，年到半百，先同老婆琦琦成功造人，六十歲人，囡囡任晴佳先十歲，將來個女大學畢業，佢已經係個七旬老翁。
有日任達華唔使開工，陪囡囡約埋朋友三大兩小去圓方睇戲，睇完戲，囡囡交朋友照顧，因為兩公婆另外約咗人喺 W酒店，有下場。路經減價 I.T，任達華同琦琦忍唔住入去睇吓有冇好嘢。肯做又鍾意玩仲勁貪靚，恐怕到七十，任達華都係咁上下，係早就老定咗嗰隻。
任達華出名貪靚，經過 I.T，自動波掟彎。
睇完戲，兩公婆另有約會，囡囡交朋友照顧。
撰文：八珍nextplus.nextmedia.com
