2015年9月24日 星期四

鄭中基海防道喪跑練定氣 [壹週刊 - 1333] 中基,鄭中基,M1,



同你吟一吟

鄭中基海防道喪跑練定氣

喺新片《大樂師•為愛配樂》做差婆嘅娜姐周秀娜,早排拍一場斜路追逐戲跣腳拗柴仲要雙膝跪落地,兩個菠蘿蓋瘀晒爆缸,仲傷到舊患。

同片做綁匪嘅鄭中基,同娜姐一樣,都係要走餐懵!有晚劇組喺尖沙咀人多車又多嘅海防道拍劈友戲,俾人追住劈嘅鄭中基,由街尾跑到街頭,全晚拍同一個 shot,條海防道咁長,真係走到氣咳。

啱反正入咗紙申請出年喺紅館開演唱會,十年都冇開過騷,練定氣囉!

俾人追斬嘅鄭中基,由海防道街尾近廣東道,跑到街頭彌敦道,堅走到氣咳。

拍完一個 shot,坐上擺攝影機架車,由街頭溜後去番街尾,再嚟過。

自由行睇拍戲,大媽阿叔圍住鄭中基望住部攝影機,以為自己都上埋鏡,又 V手又笑。發神經!

同鄭中基一樣要喺戲中喪跑嘅周秀娜,跣腳雙膝落地,好傷!

鄭中基做咗老豆成個變晒,密密拍戲外,出年仲開埋演唱會,狂𢱑奶粉錢。

撰文:八珍

nextplus.nextmedia.com

鍾意就快D Share啦!
Related Posts Plugin for WordPress, Blogger...