2015年9月24日 星期四

四大 mark兩細 周國豐穩陣章 [壹週刊 - 1333] 周國豐,周啟邦個仔,M1,



同你吟一吟

四大 mark兩細 周國豐穩陣章

有錢又肯生,好似 Suki徐淑敏同老公黃浩,生咗三個女,出親街司機保鑣,一隊兵咁。更何況天生係藍血嘅周國豐(周啟邦兒子),有大律師唔做改行搞生意,做老闆,時間係自己,下晝三點已經可以放工,家庭樂。

早排《壹》仔喺銅鑼灣見周國豐兩公婆同兩個仔,加埋兩個著晒整齊制服嘅外傭,企响利園一期等車,四大 mark兩小,夠晒穩陣!

因為塞車,等咗好耐司機都未到,周太 Jenny同兩個囝囝攰到好似自由行咁,坐晒喺商場外面啲石壆,睇住書等。

俾着其他人,商場保安一早就埋嚟趕,但就算唔認得周國豐係乜水,見呢家人有制服姐姐跟住,有錢人隊形,咪當睇唔到囉!最終坐街十分鐘有多,司機到,七人車,上滿晒!

周國豐打電話催司機,但企咗成十分鐘都未嚟到,周太 Jenny同兩個仔見攰,索性坐低等。

司機終於到,四大兩小上車,周國豐都要坐上車頭。

撰文:八珍

nextplus.nextmedia.com

鍾意就快D Share啦!
Related Posts Plugin for WordPress, Blogger...