全城熱爆的娛樂八封新聞 & 時事趣聞 & 生活 + 趣聞
印象中，不論出席康城影展，又或者喺法國領使館受勳，加埋偶然喺香港出席首映，導演王家衞，永遠黑超西裝。
上個禮拜，《壹》仔中獎，喺銅鑼灣見到王導陪老婆行街，仲要冇戴超見番對眼珠，王太喺 Ralph Lauren買到一袋二袋，王導幫手做阿四，兩公婆將戰利品先放上車，之後再手拖手行去食飯。五十七歲王家衞，係大師，亦係個好聽老婆話嘅廿四孝老公，連公司澤東都係王太打骰，唔知呢！
攝住條毛巾喺頸吸汗嘅王家衞，同老婆手拖手去食飯，平時夜晚都照戴超嘅佢，是日玩突破，俾對眼大家見識吓。
買到上倉咁，王家衞拎住一大袋，店員亦幫手孭一袋，陪兩公婆行去放啲袋上車。
撰文：八珍nextplus.nextmedia.com
