| 陳慧琳開騷怕搬仔仔（右上為蝦餃仔右下為小龍包）上台驚失控，仲話驚自己都失控呀！ | next 1/1 pre |
 | |
| 陳慧琳見到小朋友就母愛大發！ | next 1/1 pre |
 | |
| 陳慧琳最近忙於為開騷綵排，所以暫時將湊仔責任交畀老公！ | next 1/1 pre |
 | |
| 陳慧琳否認大仔面試撻Q，話根本冇去過嗰間學校面試！ | next 1/1 pre |
 | |
| 陳慧琳同公公婆婆玩遊戲！ | next 1/1 pre |
 | |
| 又派月餅！ | next 1/1 pre |
 | |
| 仲同九十五歲嘅伯伯切生日蛋糕！ | next 1/1 pre |
陳慧琳（Kelly）以月餅代言人身份到老人院派月餅，除與數十位公公婆婆跳舞外，更和九十五歲的伯伯切生日蛋糕，場面溫馨，Kelly透露中秋節會和兩個寶貝仔買燈籠、食月餅、賞月及講故事，同時會帶他們和太爺及太嫲見面。
湊仔責任交老公
近日忙於為年底舉行的演唱會綵排的Kelly說：「中秋當日要排舞，不過都係排一陣。」由於她曾表示有意把兩個寶貝仔搬上個唱台上，問到是否落實？Kelly笑說：「未知，要睇吓佢哋當日表現，佢哋逼唔到，依家排緊我嗰Part先。（驚唔驚佢哋喺台上失控？）梗係驚，台上好多陷阱，始終佢哋第一次上台，驚佢哋跌落去。（細仔失控啲？）全部都失控，我都驚自己失控。」Kelly透露近日湊仔責任交到老公手，她說：「兩個仔好開心，可以成日食零食同糖，我湊佢哋係做晒功課先獎粒糖畀佢哋食。」
否認大仔面試撻Q
問到兩個仔是否喜歡她出外工作？Kelly說：「暫時都好黐我，不過我都會出絕招攞番個地位，就係要投其所好，會將佢哋啲玩具重新拼過當新嘅畀佢哋。」對於有指大仔蝦餃仔小學面試撻Q，Kelly否認說：「都冇去過嗰間面試，因為老師話大仔適合讀國際學校，唔想畀小朋友太大壓力，加上間學校近屋企，其實讀邊間都得，如果係懶讀咩名校都冇用。」又表示大仔性格活躍不怕醜。
至於無綫年底舉行的頒獎禮將進行全民投票，抵死的Kelly說：「聽民意囉，對我嚟講冇乜所謂，依家專心做好演唱會，投票好、鬧交好，我都冇意見。」
|
鍾意就快D Share啦！
|
|
|
