FF25歲結婚 理大大 O女神想生孖 B [FACE - 440 - 大專校園] 女神,MF,

勞欣彤 Cherry 18歲

理大應用物理學高級文憑 Yr.1

如果有機會， Cherry話最想同未來老公、囝囝移居英國或者荷蘭，因為佢最嚮往田園小鎮的生活環境。

U花 U草

FF25歲結婚　理大大 O女神想生孖 B

喺香港愈嚟愈難生活， sorry！應該係愈嚟愈難「生存」，相信咁講都唔算誇張，特別係要喺香港結婚生仔同買樓，對年青人嚟講，只可以 FF發吓夢先，現實諗都唔使諗！不過喺理大大 O被選為女神嘅勞欣彤（ Cherry）就竟然想 FF變成真， 18歲就諗定趁後生結婚兼生孖仔，女神你真係好 pure。

「我好鍾意小朋友，每逢同親戚朋友食飯，我都一定會拖住佢哋啲仔女周圍玩。望見小朋友咁天真可愛，令我好想 25歲結婚，最好去埋外國生活，因為唔鍾意香港生活節奏太快，教育制度又俾小朋友好多壓力，去到外國生番對孖仔，幫佢哋打扮到又型又潮！同埋我一定唔做怪獸家長，會比空間囝囝自由發展，最緊要佢哋生活開心。我平時好鍾意行啲 BB用品鋪頭，今年畢業旅行去英國我仲買定好多 BB衫同襪留俾我第時個 Baby！」

咪以為 Cherry FF到好離地，其實佢都深知結婚生仔係人生大事兼需要穩定經濟基礎：「諗就咁諗啫，不過都知移居外國有一定難度，何況我都未必捨得屋企人！加上我𠵱家仲未有男朋友，惟一可以做嘅，就係讀好啲書，升番上我想讀嘅工程系，有份穩定嘅工作再計劃吓囉！」

雖然 Cherry喺理大大 O被選為女神，但原來女神𠵱家仲係單身，各位理大巴打，機會嚟喇！

自從 Cherry今年 6月去完英國畢業旅行，加上受家姐喺倫敦讀書嘅薰陶下，令佢更加愛上當地嘅風土人情。

有穩定嘅工作係家庭幸福嘅其中一個重要因素，所以 Cherry嚟緊想升讀出路好嘅工程系，做一個繪圖建築師。

撰文：彭家駿

攝影：范仲良

鍾意就快D Share啦！

下一篇 》