嘉玲冇搵之之：唔係Best Friend
保良局主席朱李月華的30歲兒子朱俊浩，昨日迎娶拍拖9年的26歲室內設計師女友羅之琦，昨在灣仔會展筵開150席，現場佈置成愛麗斯夢遊仙境一樣，非常浪漫。劉嘉玲、呂良偉夫婦、四太梁安琪、袁詠儀、何超瓊、向華強夫婦、港姐麥明詩、諸葛紫岐和老公薛嘉麟等都畀面到賀。
■嘉玲昨晚直言與關之琳唔係best friend。
「佢唔開心敏感咗」
劉嘉玲到場，即被記者追問跟關之琳前夫陳泰銘行山事件，她說：「今日先同唔同嘅人行山，我點會有唔開心。佢（關之琳）可能真係感情上唔開心，所以敏感咗，我哋冇聯絡，我同陳生有聯絡，叫佢快啲出嚟講清楚，唔想傷害大家。」嘉玲表示會待事件丟淡才找之之，到底兩女可是好朋友？嘉玲竟說：「我都唔知佢結婚離婚，都唔係咁best friend。」
同場楊小娟卻力撐之之：「佢唔開心一定有，我諗行山件事係誤會，之之講唔顧感受，可能講佢老公。」楊小娟認同男人愛女人要企出來講。
■之之曾指嘉玲與其前夫陳泰銘行山，係「冇諗人感受」。資料圖片
此外，一對新人期待三年抱五，昨晚的豪華婚宴埋單幾多錢？朱俊浩笑言：「問媽咪，我冇可能埋到呢張單。」恨抱孫的朱太說：「生五個，總之快交好消息。」
採訪：羅慧敏
攝影：陳俊強
■鄺美雲右手戴上超巨型藍寶石現身。
■朱李月華（左）昨娶新抱，筵開150席。
|
鍾意就快D Share啦！
|
|
|
