掃呢頁CODE去手機

2015年11月16日 星期一

許瑋甯爆姊弟戀 撻着小天老友 :),許瑋甯,瑋甯,





其他影片:>>






阮經天(小天)同許瑋甯嘅8年情喺今年3月玩完,上個月有傳小天劈腿搭上內地人妻白百何,令許瑋甯死心斬纜。噚日有讀者向台灣傳媒爆料,指許瑋甯早有新歡玩姊弟戀,對方係曾同小天合作拍《軍中樂園》後稱兄道弟嘅王柏傑。現年26歲嘅王柏傑同31歲嘅許瑋甯合作拍電影《失控謊言》有親密床戲,不知係唔係戲假情真。

台灣傳媒喺許瑋甯嘅香閨守候多日,於上月25日發現王柏傑嘅蹤影,當日佢着白色T裇、短褲同穿拖鞋嘅街坊裝,由許瑋甯所住嘅大廈離去,許瑋甯為掩人耳目稍晚才離家,令兩人關係更見曖昧;其實早於19日前,許瑋甯現身宣傳新戲《紅衣小女孩》時就自爆有人追,又表示不排斥姊弟戀。《失控謊言》喺今年2月煞青,3月就傳出許瑋甯與小天分手消息,有指當時許瑋甯處於感情低潮,王柏傑乘虛而入打動芳心。

小天情變後兼逢炒車意外,前度許瑋甯嘅新歡又傳係好兄弟王柏傑,噚日小天駕車載母親外出,發現記者時本強顏歡笑,惟聽到「知道瑋甯和王柏傑在一起嗎?」忍不住緊握拳頭、怒睥記者:「先關掉(DV)好不好?」嚇得阮媽媽連忙安撫撲火。

而許瑋甯嘅經理人就否認新戀情,話兩人只係朋友。問到王柏傑多次出現喺許瑋甯屋企?經理人表示:「私人行程不便回應。」王柏傑經理人就話:「應該沒有!年輕人做朋友很平常,藝人私事我真的不太過問。」此外,疑捲入小天同許瑋甯情變內嘅白百何,噚現身台北拍徐靜蕾製作嘅電影《迷途殺機》,劇組工作人員防護嚴密,唔畀記者影到白百何。

(台灣蘋果日報圖片) 王柏傑由許瑋甯所住嘅大廈離去。(台灣蘋果日報圖片) 許瑋甯為掩人耳目稍晚才離家。(台灣蘋果日報圖片)
小天忍不住緊握拳頭、怒睥記者。(台灣蘋果日報圖片) 嚇得阮媽媽連忙安撫撲火。(台灣蘋果日報圖片)
鍾意就快D Share啦!