| 面對毀容危機，鄭伊娜冇晒辦法要去求神問卜祈福。 | next 1/1 pre |
 | |
| 做藝人求樣搵食，依家唔可以用真面目見人，今次鄭伊娜真係手停口停。 | next 1/1 pre |
 | |
| 情緒陷入谷底，鄭伊娜不時在網上寫下友爆留言如：「乾脆自我消失掉好嗎？」 | next 1/1 pre |
 | |
| 面部出現問題，鄭伊娜唔曬得太陽，出街都要準備定「遮醜三寶」。 | next 1/1 pre |
 | |
| Cap帽、口罩和雨傘不離身。 | next 1/1 pre |
 | |
| 鄭伊娜去文武廟求神問卜祈福。 | next 1/1 pre |
 | |
| 鄭伊娜去文武廟求神問卜祈福。 | next 1/1 pre |
 | |
| 期間忍唔住爆喊。 | next 1/1 pre |
 | |
| 挨住喺好友陳綺雯度喊唔停。 | next 1/1 pre |
 | |
| 出到門口眼淚都未停過。 | next 1/1 pre |
 | |
| 鄭伊娜由好友陳綺雯陪同下求醫。 | next 1/1 pre |
 | |
| 入到食肆一樣口罩不離身。 | next 1/1 pre |
 | |
| 發現有人注視，鄭伊娜即刻好驚咁掩面。 | next 1/1 pre |
 | |
| 一個人坐喺餐廳唔開心繼續喊唔停。 | next 1/1 pre |
 | |
| 今次意外，鄭伊娜所有工作停晒，保守估計損失百萬之餘，身邊所有追求者都走晒。 | next 1/1 pre |
 | |
| 鄭伊娜網上負面留言。 | next 1/1 pre |
 | |
| 鄭伊娜（左起）、張家瑩同筱靖被喻為「亞視三嬌」。 | next 1/1 pre |
近年醫學美容令女士趨之若鶩，同時也發生不少失誤事故，前亞姐鄭伊娜也不幸中招！去年接受醫學美容療程但「爛面」收場，靠樣搵食的鄭伊娜因面臨毀容危機終日以淚洗面，冇面見人過着猶如殭屍般的生活，致情緒抑鬱！手停口停的鄭伊娜，眼白白損失七位數工作酬勞，零收入的她同時面對沉重的醫療費及律師費等。為力挽靚樣，求醫問卜做到足，日前現身文武廟求神庇佑時，一度情緒失控爆喊當場！
前亞姐鄭伊娜連月來「潛水」冇影，絕迹公開活動外，更在社交網頻頻留下負面留言，包括「乾脆自我消失掉好嗎？」令人擔憂。一切緣自去年11月接受醫學美容療程後，為鄭伊娜噩夢的開始。
唔曬得！必備遮醜三寶
據知，當日鄭伊娜接受美容療程期間遇上失誤，導致雙頰至下巴微絲血管爆裂，之後面部出現粒粒，更有一撻撻紅印。向來膚質甚佳的鄭伊娜，霎時慘變「爛面女」，幾乎毀容！知情人士透露：「伊娜不嬲皮膚都好好，點知嗰次做完個美容療程，塊面就紅晒，之後仲生晒粒粒，依家工又開唔到，又唔知幾時先好番，佢都好唔開心，成日打嚟喊，話好驚一世都咁樣。」過去兩個多月，伊娜一直過着不見天日的「殭屍生活」，每次出街都帶齊「遮醜三寶」：Cap帽、口罩和雨傘來擋太陽遮面。眼見治療多月也未見成效，焦急非常的鄭伊娜四出求醫打救「爛面」。
日前本報發現鄭伊娜在好友兼歌手陳綺雯（Aki）陪同下，化身「蒙面俠」前往上環文武廟，明顯是為「爛面」祈福及問卜求安心。進廟後，二人誠心上香，跪在地上的鄭伊娜雙手合十，唸唸有詞，不久卻情緒失控，突然爆喊，嚇窒在旁的Aki。見鄭伊娜喊到收唔到聲，Aki即遞上紙巾，隨後鄭伊娜愈喊愈大聲，更伏在對方的肩膀上繼續喊！久久才平復的鄭伊娜在Aki開解下，一臉落寞離開廟宇，之後雙雙到另一間有整形等服務的診所，尋求皮膚科醫生的專業意見，為面子「急救」。
臉部一撻撻紅印
情緒大起大落的鄭伊娜常常足不出戶，害怕面對人群！日前她獨自前往寓所附近的商場醫肚，見她在食肆門外左望右望，最後揀選燈光昏暗的餐廳並要求坐在一角，似乎不想讓途人看到其面頰傷勢，期間不時托腮玩手機又用雙手按實口罩。直到上菜後，鄭伊娜終於揭開「神秘面紗」脫下口罩，明顯見到面頰泛紅，出現一撻撻紅印及長了不少粒粒。鄭伊娜低頭急急進食，但仍紙巾不離手，常下意識地以紙巾遮面，不消十五分鐘已急急吃完。狂按手機跟朋友對話的鄭伊娜，再次情緒不穩當場灑淚，更於手袋中取出大堆藥物服食，埋單後急急腳匿番屋企。
追求者雞飛狗走
本報致電鄭伊娜慰問傷勢，惟她三緘其口，期間不時啜泣，說已交由律師處理。當提到連月來幾乎足不出戶，鄭伊娜邊哭邊說：「呢段時間好似殭屍咁生活，連我最愛嘅辣都完全唔可以食，又要戒口，工作同正常社交都冇埋，連自己間Speed Dating公司嘅活動都停晒，因為好多嘢都由我出面傾同安排，但一路Keep住食藥又唔曬得太陽，變咗唔敢出去。」
情緒困擾5日急跌5磅
鄭伊娜承認害怕面對人群，目前要睇皮膚科醫生外，更要見心理醫生，長期服食抗敏藥及搽類固醇，更連續服用抗抑鬱藥逾兩個月。
身心受創影響食欲，短短五日已暴跌5磅！鄭伊娜哽咽道：「近來情緒好唔穩定，起伏好大，會突然非常失落同大喊！成日心情都非常差，唔想見人，我以為好快就可以從谷底爬番上嚟，但好似愈陷愈深，一切唔好嘅事一次過衝着我而來，總之一切計劃都被迫煞停，非常煩同難受，又怕人擔心我，要笑住扮冇嘢、扮堅強。」
鄭伊娜坦言因藥物影響，常感到疲倦渴睡，每天只有幾個小時感到「精神」，受訪時她明顯氣若游絲，有時更有點口齒不清。精神狀態不佳，她亦要全面停工，同時換來的是沉重的經濟壓力。鄭伊娜家境雖然不錯，但一直都是自食其力，據知原定去年11及12月接拍三部網絡電影、廣告代言、多個內地登台及商業活動，但因停工關係，至今估計已損失七位數。現時的財政狀況可謂「有出冇入」，看皮膚科及心理醫生，加上律師費用等，一個月就要花六位數。對於現時的經濟狀況，鄭伊娜說：「絕對擔心，我都唔清楚幾時先好番晒、幾時可以復工，之後接唔接得番嗰啲Job都唔知，呢段時間收入停晒，希望快啲完全好番，再次投入工作。」
激動：我可以點呀
人財兩失，是鄭伊娜的寫照。單身的她坦言：「本來有幾個人追求我，但出事之後不見天日，心情差到任何人都唔想見，開朗正面嘅性格都改變埋，容易喊又自卑，相信男人都畀我嚇走晒！有人話我唔再係佢認識勤力嘅伊娜，話我依家好懶，淨係識瞓喺屋企喊。呢句說話好傷人，我可以點呀？唔通完全唔化妝拍嘢咩！對自己好嘅男人都走晒，以前一齊嗰啲都分咗手！」去年鄭伊娜被指介入趙哲妤（Uny）與緋聞富貴男友Jeff的感情，隨後Jeff又被指翻嗒Uny及與林芊妤（Coffee）約會，問到有否跟Jeff拍拖？鄭伊娜說：「同Jeff當時只係朋友，從來冇開始過戀情，同邊個拍拖都係佢嘅事，我唔在意，呢段緋聞都一年多前喇！」
|
鍾意就快D Share啦！
|
|
|