郭可盈同林文龍嘅囡囡林天若(Tania)，同徐淑敏(Suki)大女黃心瑤（Vianna)一樣，今年都係升讀保良局蔡繼有學校，即係話，兩個星二代今年係同校書友仔。今早比Suki一家遲少少現身嘅郭可盈同囡囡，就坐住爸爸林文龍所揸嘅白色房車到達學校門口。甫到達，郭可盈即落車，幫囡囡揹上書包，匆匆帶阿女入學校。雖然趕時間，不過郭可盈同囡囡沿途都笑晒口，頭上紥住兩個蝴蝶結嘅Tania，亦顯得精靈可愛，而林文龍就一直留喺司機位冇落車。而佢今日接受《蘋果》電話訪問時話：「囡囡放學好開心，仲話學校準備嘅lunch好食，我好鍾意呢間學校嘅教學方法，學生會返得開心，我今年先畀囡囡適應吓小一，唔使請補習，我會自己教番，一齊同行，我都重讀小一，生命有take 2。」可盈續說：「唔使一定科科一百分，唔想畀囡囡壓力，開心學到嘢就得。」睇嚟佢好重視親子關係，佢話：「一生都需要，希望囡囡同我乜都有商有量，大家乜都分享，好感恩囡囡自細都受教，好好湊，佢好乖。」至於今年8歲，今年喺蔡繼有升讀三年班嘅郭晉安大仔郭令山，今朝由爸爸揸住白色七人車送返學校，由於熟晒學校時間表，所以喺8點10分已經到達學校門口，不過就唔見媽咪歐倩怡。剪咗齊蔭頭嘅令山，大個仔唔使勞煩爸爸，精神奕奕揹住書包自己行入學校，仲邊行邊對住鏡頭笑o忝！
| 攝影：葉君海 | | |
| | | |
| | |
來源 source: http://hk.apple.nextmedia.com
|
鍾意就快D Share啦！
|
|
|