網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年9月2日 星期五

【真係好大隻啊!】唔識欣賞囡囡一身肌肉 翁靜晶:我都唔認得係佢 __,翁靜晶,

【短片】【真係好大隻啊!】唔識欣賞囡囡一身肌肉翁靜晶:我都唔認得係佢2016-09-0121:15:00HKT呢個背影,有另一種美真係要日日操先得翁靜晶嘅囡囡除咗有個法律系學位,仲有一身肌肉,今日翁靜晶就喺facebook貼咗幾張囡囡嘅相,張張都係筋肉人咁,真係大隻過唔少男人。《蘋果》今日致電翁靜晶,透露相片及video都係由囡囡send畀佢睇,佢話﹕「好似一個少林寺18銅人咁嘅效果,係好黑囉,第 ...


【短片】【真係好大隻啊!】唔識欣賞囡囡一身肌肉 翁靜晶:我都唔認得係佢

2016-09-01 21:15:00 HKT





呢個背影,有另一種美







真係要日日操先得





翁靜晶嘅囡囡除咗有個法律系學位,仲有一身肌肉,今日翁靜晶就喺facebook貼咗幾張囡囡嘅相,張張都係筋肉人咁,真係大隻過唔少男人。

《蘋果》今日致電翁靜晶,透露相片及video都係由囡囡send畀佢睇,佢話﹕「好似一個少林寺18銅人咁嘅效果,係好黑囉,第一次收到張相,我話『呢個非洲人係邊個嚟架,咁我都唔係好認得係佢』。」

翁靜晶直認係傳統女性,對女人美嘅標準應該係肥肥白白同有啲肉,所以一直唔識欣賞囡囡嘅健美身形,佢話﹕「或者係我老土啦,始終舊式人。但諗番轉頭,如果我一路唔去面對佢呢個決定,就好似唔支持佢啦。我一路都冇post出嚟,今次post出嚟都係一個認同,我都覺得為佢驕傲嘅。可以好肯定,一個人要練到一身銅皮鐵骨要經過一個好長及克制經歷,佢又要節食同做好多運動,係一種毅力表現。」

問到囡囡最終有冇攞獎?翁靜晶話﹕「佢第一次參賽,有第二個call out,但最後唔可以贏出,始終同外國女子比賽,佢已經好叻。仲有玩舉重呢,我諗佢學功夫應該唔錯。」

依家女大女世界,翁靜晶話難得幸儀未婚夫Roberto都係健身先生,佢話﹕「佢哋覺得靚就得,個男仔都係成身腹肌,有咩人魚線,我都係最近學。但我最擔心佢(幸儀)套婚紗已經買咗,但肌肉愈嚟愈勁,會唔會唔啱着呢?要改幾多次呢?我就唔知嘞。」

翁靜晶透露囡囡婚期已定於2018年,佢笑話﹕「外國人習慣要女家畀錢擺酒,我o依家都努力籌款,各處鄉村各處例,要返意大利擺,聽聞酒水就男方出,但都計唔到咁多,總之能力範圍之內。」問到大女萬儀有冇著落?佢笑笑口話﹕「千祈唔好又揀外國人,貼埋大床咁滯,兩個都要籌錢嫁,希望嫁中國人咪收禮金囉。」


鍾意就快D Share啦!