每次講起大劉發跡史，坊間版本不離首任妻子寶詠琴的母親：寶鍾全英女士。當年全靠寶老太按樓相助，令大劉發跡，但去年有報道指大劉與寶家二十年不相往還，而寶老太就只得大劉兒子劉鳴煒照顧。報道一出，大劉即接受《蘋果》訪問澄清：「當年我創業，佢按過層樓、借過15萬元畀我做資金，我半年後還清，之後仲幫佢贖埋層樓。」又稱每隔一段時間都會偕子女與寶老太去福臨門飲茶，但近年對方行動不便，這才少了見面。(新聞連結: http://bit.ly/2nqEpSF )劉鑾雄講大劉第二章，講寶老太。他稱：「嗰15萬我唔係做廠，係攞去做尼日利亞、西非做貿易生意。十幾萬成本，我收人30幾萬，賺咗20幾萬，但好大壓力，因為當時冇外滙，好大風險，收到錢後做咗第三輪水貨，頭尾賺咗百幾萬，借外母嘅錢，半年唔夠已經連本帶利還返俾外母。」【開風扇廠冇錢出糧】
走水貨利潤高，但這種生意，自命膽大的劉鑾雄亦不敢再做：「咁好利潤都唔敢再做，知道遲早一鑊！好在我命大，唔做之後大約半年，尼日利亞政變，新政府上場，唔認舊政府啲數，全香港所有出口商，俾尼日利亞政府走咗40幾億。當時嘅40幾億，我諗等於依家1,000億！」「我做生意唔係順風順水，經過好多挫折、折磨，如果我唔係硬淨，真係想去自殺都起碼一千次或999次。」挫折由風扇廠愛美高（EverGo）講起。當年大劉棄貿易生意轉開風扇廠，自恃同啲客熟、有客戶肯支持，可惜都不是大客。「我同拍檔出去開廠，嗰陣我哋充滿仇恨，租嘅廠房成兩萬呎，即係好似項羽帶住兩萬子弟兵，去打秦始皇嘅二十萬正規軍咁！其實生意只足夠租三、四千呎地方，但我租兩萬呎，諗住勒條頸巾或頭巾，一係必死！一係必勝！但結果做咗唔夠五、六個月已經冇生意冇錢出糧，好慘㗎！」相關文章：
【劉鑾雄講大劉（1）】
獨家 千億富豪劉鑾雄 24歲問家傭借錢入院割膽
http://bit.ly/2ngVqNq【劉鑾雄講大劉（3）】
遭猶太人出賣 大劉：我係廢柴中嘅廢柴，懵炳中嘅懵炳！
http://bit.ly/2mPTGzh【Timeline】手機用戶請按此，瀏覽「傳奇狙擊手劉鑾雄」: http://bit.ly/LAU-timeline
|
鍾意就快D Share啦！
|
|
|
