吳綺莉由梁耀忠及翁靜晶陪同下開記招，就昨日有周刊指卓林同父異母哥哥房祖名出錢買大坑偉景大廈寓所予吳綺莉母女，作鄭重澄清。翁靜晶稱：「卓林從冇拎生理父親一毫子，由佢出生到o依家都冇，希望大家俾尊嚴兩母女。」吳綺莉最初表現平靜，稱：「我屋企發生咗事，希望大家不要作無謂揣測。我做幕前，好多嘢放到好大，希望大家俾啲空間。」翁靜晶接口道：「卓林由出世開始，無拎過一毫子。2015年出事(指卓林報警)，當時吳綺莉冇嘢做，卓林學費都要萬七，仲有其他生活費雜費，冇晒錢。我哋通過中間人問過，對方話我任何一毫子都不會幫你。」她又斥社署將卓林當是人球。翁靜晶提到，當時吳綺莉舉目無助，翁即為她聯絡社會機構，第一個幫手的是劉家良慈善基金，之後有一個佛教組織搵佢畫畫冊，每月3萬人工。可惜吳綺莉受家庭問題所困，畫冊做咗12個月，她一幅作品都交不出，而佛教組織仍照支薪。直至去年11月，上海方面向吳綺莉稱，可以凍結吳母遺產，就要交60萬出嚟，先可以解凍資產。當時翁靜晶借錢給吳，吳亦簽咗欠單，用大埔單位抵押。之後吳綺莉用母親的遺產、以及出售上海物業，所用的錢來買大坑偉景大廈。成龍及祖名都未有付出一分錢。記招尾聲，吳綺莉講到自己壓力好大，「我冇屋企人，我得一個女。」已經忍不住哭了。問吳有何話想同卓林講？吳綺莉即哭了起來，翁靜晶即拍拍她肩，叫她不要死忍。吳綺莉哭了很久，才說：「我想佢返屋企，我同所有媽媽一樣，所有嘢都可以喺屋企傾。」又說：「請俾啲空間我，等我搞好自己，我成日講，如果我哋好多酒，我就唔使去7仔。」翁靜晶再叫大家俾生路吳綺莉母女行。
|
鍾意就快D Share啦！
|
|
|
