吳綺莉2011年同囡囡吳卓林返港，面對生活壓力，有酗酒習慣，亦都冇正視過自己嘅情緒問題，近日卓林再次報警，吳綺莉涉刑事恐嚇被捕，卓林仍未回家(新聞連結：http://bit.ly/2nixycg)，事後吳綺莉坦言要同囡囡卓林學習相處(新聞連結：http://bit.ly/2oda8tG)。1999年為成龍生咗卓林，當年成龍講過「我犯了全天下男人也會犯的錯」，吳綺莉就返咗上海投靠媽咪……今日有周刊報道指，吳綺莉之前拍大陸真人騷《驚喜旅程》時，講出喺上海投靠媽咪嘅辛酸，當年每月靠吳母接濟，試過吳母將人民幣好似「撒溪錢」咁掉喺地下，叫吳綺莉跪喺地下一張一張執起，佢喺節目中又稱自己喺2010年返港前半年，每晚都用硬物頂住房門，怕吳母半夜走過嚟，事緣吳母有次揮菜刀逼吳綺莉去搵成龍，吳母發脾氣時又會亂砍，所以吳綺莉其後決定返香港住，返港後工作唔多，收入少開支大，卓林讀國際學校嘅學費每年十幾萬，又要供車同俾日常開支，吳綺莉要孭起成頭家都幾吃力。而上年年初，吳綺莉要搭火車返上海，到當地銀行搞一筆凍結嘅財產。(新聞連結：http://bit.ly/2nykIbK )吳綺莉喺真人騷《驚》上，直言成龍喺自己18歲那年已展開追求，當時吳綺莉冇心動，幾年後成龍又再追佢，先打動芳心，試過吳綺莉拍戲至凌晨，成龍送外賣俾佢，一早又送早餐，有次吳綺莉去日本做嘢，成龍又買花送上吳綺莉嘅酒店房，不過當吳綺莉有咗5個月嗰陣，成龍「消失」咗，後嚟成龍開記招，二人就一直冇再聯絡。成龍喺2004年曾經講過對唔住女兒，而卓林就講過唔識成龍，生命中「沒有他」。
來源 source: http://s.nextmedia.com
|
鍾意就快D Share啦！
|
|
|
