熱爆娛樂: 親子運動會　傅家俊齋睇唔玩 [壹週刊

2017年3月30日星期四

親子運動會　傅家俊齋睇唔玩 [壹週刊 - 1412] __,M1,

負責抱住細女的傅家俊，在旁邊教 Bella擲豆袋。

名人動態

親子運動會　傅家俊齋睇唔玩

出名多「星二代」的維多利亞幼稚園，上星期六（廿五日）舉行「星級運動會」，在佔地 43000平方米，足夠容納 12000人的小西灣運動場進行，認真巴閉！當日除咗楊冪、劉愷威兩公婆罕有合體，湊住「小糯米」現身，仲有商台一班 DJ，包括少爺占、朱薰都舉家出席。

傅家俊齋睇唔玩

有「神奇小子」之稱的香港首席桌球手傅家俊（ Marco），一早就都拖住老婆同兩個囡囡到場，玩足一個上晝。

一一年 Marco突然公佈婚訊，婚後火速誕下兩個寶貝女 Bella同 Amelia。難得放假， Marco變身做「湊女公」，全家總動員陪 Bella去運動會。一到埗， Bella先去表演區集合，同一班小朋友一齊跳「動感扭扭操」，負責抱住細女的 Marco在家長堆中左穿右插，搵個靚位睇阿女表演。

四歲大的 Bella同爸爸餅印一樣，包包面好得意！之後一家四囗去排隊玩擲豆袋、跳呼拉圈，不過多數係媽咪落場玩， Marco就企喺旁邊做啦啦隊，齋睇唔願郁！ Bella遺傳爸爸的運動細胞，又跑又跳四個鐘，依然面不改容。