【新增動新聞】
中國女足女神趙麗娜有接班人嘞！最近國內傳媒發現，踢緊廣東女足U18嘅熊熙小小年紀已經幾靚女，叫佢做新一代嘅中國女足女神喎。17歲嘅熊熙唔止靚女，仲好波㗎，喺月中嘅全運會女足18歲以下組預賽C組比賽入面，全靠佢喺補時入波，廣東U18女足先可以1:0贏咗山東U18。《新浪體育》喺微博度讚熊熙外表清秀，被球迷稱為中國女足新一代女神。亦有內地網民見到熊熙嘅相後都感嘆：「明明可以靠臉吃飯，卻選擇了踢球。」喺上星期四中國對南韓嘅比賽，佢都有嚟長沙同國足打氣。熊熙話佢自小就鍾意足球，希望堅持落去，「累嘅時候肯定有，想放棄嗰陣諗到足球係自己細細個就鍾意的嘢，就會有一直堅持落去嘅動力。我始終相信一句話：奇跡係努力嘅另外一個名字。」雖然熊熙唔高大，但佢話自己靠靈活取勝，「平日我爸爸介紹話我係踢足球嘅，人哋會說，呢個女仔咁斯文點會係踢足球㗎？我好細粒，佢哋覺得，我好難勝任呢種競技類對抗嘅運動項目。比起嗰啲高大球員，我比佢哋多嘅係靈巧，一陣跑到左邊，一陣又到中間。」
來源 source: http://s.nextmedia.com
|
鍾意就快D Share啦！
|
|
|
